Indu ning Kapaldanan

Ibat king Wikipedia
Jump to navigation Jump to search
Our Lady of Los Remedios, Fregenal de la Sierra, Badajoz, Espanya

Ing Indu ning Kapaldanan, o Virgen de los Remedios king Castila, ing titulu ning Birhen Maria a inalkus ning Orden Trinitaria o Trinitarian Order, a mitátag anyang tauling dake ning kalabing-adwang dilanwa o siglu. Miugne ya ing debosyon king Reconquista ning Espanya, a mapali pa kanita. Anyang tutuking dilanwa, mikalat ya kareng aliwang dake ning Europa. Anyang miglakbe ya ing Espanya king Americas at sinakup kaniti, megi yang manimunang debosyon da reng Castilang conquistador. Metung ya pa muring maleparan a debosyon king Espanya.

King Kapampangan[mag-edit | alilan ya ing pikuwanan]

[1] Anyang banwang 1952, mag-alsa la reng ortelanu ning Pampanga king lalam da reng Huk, at sisikan ing sosyalismu ampong komunismu. Mikakalat ing kagulwan ampo ing aliwang ideolohiya king lalawigan a baluarti ning Pisambang Catolicu.

King panaun a ita, tinalanga la reng Catolico ampo reng pekapun ning Pisamban king Indu ning Dios. Tetag ne ning bayung tátag a Obispo ning San Fernando, i Cesar Ma. Guerrero, ing Cruzada ning Pamanisi at Lugud, at bilalag neng Patrona ning Pampanga ing Indu ning Kapaldanan o Virgen de los Remedios. Indam ne ing imahe ning Birhen king Baliti, San Fernando, a opisyal a imahe ning Cruzada kareng prusisyun. [2]

Anyang, Setiembre 8, 1956, king plasa king arap ning kapitolyu, milyari ing Kanonikong Koronasyun ning Patrona ning Kapampangan, Ing Indu ning Kapaldanan. King arap da reng 70,000 Catolicu, pepasulud ne ning Apostolic Nuncio king Filipinas, i Most Rev. Egido Vagnozzi, kasaup ya i Gobernador Rafael Lazatin, king Birhen ing korona. Tinagun la reng mangatas katungkulan a Kapampangan antimo ri Arsobispu Pedro Santos, Senador Gil Puyat ampong Representate Diosdado Macapagal.

Dalerayan[mag-edit | alilan ya ing pikuwanan]

  1. Error on call to Template:cite web: Parameters url and title must be specified.
  2. Error on call to Template:cite web: Parameters url and title must be specified.


Template:Mexico-stub Template:Catholicism-stub