Jostein Gaarder

Jostein Gaarder
I Gaarder anyang 2017
Mibait	8 ya ing Agosto 1952 (edad 71) Oslo, Noruega (Norway)
Kapanintunan/propesion	novelista, talasúlat makúyad a salítâ
Asawa	Siri Dannevig

I Jostein Gaarder (míbait 8 ya ing Agosto 1952) métung yang Noruegong (Norwegian) intelectual ampóng talasúlat novela, makúyad a salítâ ampóng libru pára karéng ának. Maralas, súsúlat ya i Gaarder manibat king paglaláwé da réng ának, at tutuklasán na ing karélang pánamdaman a pámagmulálâ king yátu. Maralas gagamítán né ing metafiction karéng óbrá na at máglalang yang istoria kilub ning aliwang istoria. Ing pékamasanting nang óbra yá pin ing novelang Sophie's World: A Novel About the History of Philosophy (1991). Mílíkas né karéng ánam a púlung (60) amánu, at maygit lang ápat a púlung (40) miliun déng copiang makalimbag.