Kometa
(i-click me ba yang dagul)
Ing kometa o panbulu metung yang bolang gawa keraklan king yelu a maglakbe king outer space. Kawangis ne ning asteroid. King solar system ning Yatu, mas malaut la reng orbit a dudurutan da reng kometa kesa ketang king Pluto, metung a malating planetang sadyang marayung dili king Aldo. Marayu la king aldo deng keraklan kareti, oneng akakit ta la reng aliwa neng bengi nung milalapit lang ustu king Aldo. Mangakaba la "iki" deti uling lalasawan ning Aldo itang yelu. Neng kayi, awsan dong "dirty snowballs" o "shooting stars" deti.
Nucleus ing aus da king masyas a libutad ning kometa. Metung ya kareng mangatuling diling bage king solar system. Anyang sinlag ing sala king Kometang Halley, apat mung porcientu (4%) kaniti ing sinlag pabalik kekatamu.
Balik-balik la kekatamu deng kometang periodic, kabang misan la mu lalto deng kometang non-periodic o single-apparition.
Ikit da nong misasalbag deng aliwang kometa, alimbawa ing Kometang Biela. Atin namang kometang ikit dang tinud king planeta: tinud ya king Jupiter ing Kometang Shoemaker-Levy 9 kanitang 1994. Atin namang kometang pakalupung o abe-abe neng dudurut king aldo; ukulan o isipan da reng astronomer a pira-pirasu na la ning sadyang metung mung bage, a misalbag .
Deni reng mapilan kareng kilalang kometa: