Lechugas

Ing lechugas ó litsugas (Lactuca sativa), a lettuce king Inglis, tanáman yang banwahan king familia Asteraceae. Kéraklan, déng bulung na ning gúléng ini ing kakanan da, ónéng kakanan da lá murin déng kayang tangké ampóng bútul. Maralas déng gagamítan ing lechugas karéng ensalada, ónéng gagamítan dé múrin karéng áliwang clásing pámangan, antimó déng sabó, sandwich ampóng wraps; malyári yá múring inangnang / idérang. Ating métung a variety, ing celtuce (asparagus lettuce), a tatanam da para karéng kayang tangké, a malyári dang ilútû, ó malyári dang kanan a sagíwâ. Bukud king pámangámit kaníti antimóng gúlé, maki kabaldúgan yá múrin king relihion, at gagamítan dé múring panúlu. Anyang múmúna, ing Europa ampó ing Pangúlung America ing mánimúnang sásaling lechugas, ónéng anyang mayayári né ing kadwang púlung síglu, míkálat na king mabílug a yátu ing pamámangan king lechugas. As of 2021, world production of lettuce and chicory was 27 million tonnes, 53 percent of which came from China.