Malesia

Ing Malesia métung yang labuad a biogeographical]] a dádálan king Equator ampo karéng anggánan da réng labuad a Indomalayan ampóng Australasian, ampó ing labuad a phytogeographical king Kayarian a Paleotropical. King orihinal a kabaldúgan ning World Geographical Scheme for Recording Plant Distributions kayábé ya ing Papuasia, ónéng kéwani dé king bersion a mélalang anyang banwang 2001.

Milulúpa la réng mammals ning albúgan nang dáké ning Malesia, nung nú ya kayábé ing Malay Peninsula ampó réng isla ning Sumatra, Java, Bali, ampóng Borneo, a áusan dang Sundaland. Kayábé la réng islang déti king mabábó nang continental shelf ning Asia at makatuglung king Asia anyang ice age, nung kapilan ya mas mábabâ ing dáyatmálat. Ing anggánan na king aslagan (eastern edge) ning Sundaland ing Wallace line, a pékilagyú ra kang Alfred Russel Wallace, ing naturalist ibat king Britania anyang kalabingsyam a síglu, a mékapansin king pámilúpa da réng animal karéng dáké nang misúsumángid ning gúlis a ini.

É ya bitasang mítuglung king Asian mainland ing Filipinas, ónéng kéraklan karéng kayang tanáman, ibat la king Asia, at aliwá la réng kayang mammal.

Ating manga limang púlung species da réng Dipterocarp a makabílî karéng labing métung a genus.