Marada

Para keng aliwang gamit, lawen ye ing Marada (disambiguation).

Ing Marada metung yang grupu da reng magsariling balayán (autonomous communities) a mabibie king Bunduk ning Lebanon ampo reng makapadurut a kabundukan kaibat ning pamaniakup na king Syria ning caliphate a Arabu aniang decadang 630 CE. Lipat ning miglalang yang "estadung" panibalan na ning metung a elite a mandirigmang magsalitang Aramaic a ausan dang Mardaite deng Marada, e re didinan makanian karagul a ulaga deng aliwang talapagaral ning amlat deti, at mas complicadu yang kabilian ing karelang papalto. Ikua rang mika metung a uri ning pamagsarili deng kumpul-kumpul a tribung Aramaic a Cristianu king bikual-bikual (rugged) ampong malaut a kabundukan banda king Bunduk ning Lebanon, a kanita yang angganan ning caliphate a Umayyad (kaibat Abbasid) ampo ing imperiung Bizantinu Uli ning pamaglapad king sakup da reng Bizantinu aniang pilatan ning 985 ampong 1025 AD, dakal memaglub a Maronite ibat king lambak ning Orontes paras king pangulu nang dake ning Bunduk ning Lebanon, partikular king bangin ning Kadisha. Migdatun la krin deng grupung Maronite antimong aguman da reng liping bibilug tribu, at migsilbi yang pekapun da ing Patriarcang Maronite.

Kareng gerang sibil a merapat king Lebanon ngening makabayung panaun, "Marada Brigade" ing kinua nang lagiu ning metung kareng militia da reng Maronite.

Penibatan ning kataya

Rebeldi ing kabaldugan ning katayang Marada king amanung Maronite ampo king Classical Arabic.

Dalerayan

• Phares, Walid. Lebanese Christian Nationalism: The Rise and Fall of an Ethnic Resistance. Boulder and London: Lynne Rienner Publishers, 1995.
• Salibi, Kamal. A House of Many Mansions: The History of Lebanon Reconsidered, London: I B Tauris, 1988.
• Salibi, Kamal. Maronite Historians of Medieval Lebanon, Beirut: American University of Beirut, 1959.
• Salibi, Kamal. The Modern History of Lebanon, Delmar: Caravan Books, 1977.