Mewalang obra
Ing mewalang obra (lost work) metung yang dokumentu o obra ning malagung panyulat (literary work) a melalang kanitang milabas at ala nang mitatagan a kopya. Malyari lang mawala deng obra king kasalesayan kapamilatan ning pangasira ning orihinal a manuskritu o king pangawala da reng kpya na ning obra. Ing sasaryan a pamanyira awsan dang krimen a pangkasulatan (literary crime o literary vandalism). Kareng aliwang kasu, ating mitatagan a metung a dake da reng obra, uli ning arkeolohiya, o uling magagamit la reti antimong dake ning libru (bookbinding materials), o uling mababanggit ya ing dake da reti kareng aliwang obra. Ing pangatuklas na anyang 1822 ning metung a dake ning De re publica nang Cicero ing metung kareng mumunang pangatuklas pasibayu ning matwang kasulatan ibat king palimpsest, kabang ing pikabalwan diling bayung alimbawa ya pin ing pangatuklas ning Archimedes palimpsest (a makasalikut king misna ka-bayung libru da reng pangadi). Mababanggit la reng keraklan kareng mawawalang obra kareng obra o pamitipun o compilation a atyu pa, alimbawa ing Naturalis Historia nang Pliny the Elder o ing De Architectura nang Vitruvius. Neng kayi, deng talasulat a maki buring siran do reng sarili dang obra, magpasira kareng aliwa kareti kaybat ning karelang kamatayan; iti, e melaus kareng mapilang kasung pikabalwan, alimbawa king kasu ning Aeneid nang Virgil a linigtas nang Augustus ampo deng nobela nang Kafkang linigtas nang Max Brod. Dakal lang obra deng isipan dang mengawala anyang mesilab ya ing Aklatan ning Alexandria anyang panaun da reng Romano, o mapalyaring kaybat na nita. Bayu ing panaun ning pamaglimbag, pakasulat lang gamat deng manuskritu, anya ditak la mu deng kopya, at iti ing sangkan nung bakit asnang karakal ing mengawala. Deng obrang e ra babanggitan deng aliwa, syempre, e ta la balu, anya laganas nong mekalingwan.
Keraklan, ing terminung iti gagamitan de kareng obra ibat king kapanaunan a klasikal, dapot maralas da neng gagamitan kareng mas makabayung obra.
Dalerayan
[mag-edit | alilan ya ing pikuwanan]Karagdagang babasan
[mag-edit | alilan ya ing pikuwanan]- Stuart Kelly - The Book of Lost Books (Viking, 2005) ISBN 0-670-91499-1
- Leo Deuel - Testaments Of Time: The Search for Lost Manuscripts and Records (New York: Knopf, 1965).
- Hermann W.G. Peter - Historicorum Romanorum Reliquiae (2 vols., B.G. Teubner, Leipzig, 1870, 2nd ed. 1914-16)
- Glen Dudbridge - Lost books of Medieval China (London: The British Library, 2000)
- Thomas Browne - Musaeum Clausum or Bibliotheca Abscondita (published posthumously in 1683)
Suglung palwal
[mag-edit | alilan ya ing pikuwanan]- Discoveries of Lost Classical Literature
- Longing for Great Lost Works
- Lost works of Tertullian
- Lost Works of Berosus
- Lost Works of W.A. Mozart
- Weighing Words Over Last Wishes Archived Juliu 2, 2006 at the Wayback Machine
- Fragmentary Tragedies of Sophocles Project
- In Search of a Lost JG Ballard Novel Archived Juniu 18, 2006 at the Wayback Machine
- Hi-tech imaging could reveal lost texts
- The Suppression of Lesbian and Gay History
- The Memorial of Unsaved Work Archived Mayu 29, 2010 at the Wayback Machine