Mindanao State University

Ibat king Wikipedia
Jump to navigation Jump to search
Mindanao State University

Msulogo.gif

Mitátag September 1, 1961
Uri Publicu, Universidad a pang-estadu
Pamuntuk Dr. Ricardo F. De Leon
Talaturu 1,511
Magaral king kolehiyo 45,990
Magaral a postgraduate 3,955
Lugal Marawi Lakanbalen, Lanao del Sur, Filipinas
Kaugne ASAIHL
Website/Karinan-Aptas www.msumain.edu.ph

Amlat[mag-edit | edit source]

Mitátag ya ing Mindanao State University lalam ning Philippine Republic Act 1387 at mitikdo ya king Marawi Lakanbalen 1 ya ing Septiembre 1961. Metung ya kareng universidad a pang-estadu ning Filipinas a maki parasan a magdala king educacion o pamituru kareng myayaliwang maulagang lugal king isla ning Mindanao. Kaybat, meragul ya iti at megi yang sistemang pang-universidad a bibilugan da reng myayaliwang campus (anam a magsarili o autonomous a campus): MSU-IIT (CHED Center of Excellence in Science and Technology), MSU-General Santos, MSU-Sulu, MSU-Maguindanao, MSU-Naawan, ampong MSU-Tawi-Tawi.

Kareng universidad a pang-estadu ning Filipinas, bukud mung ing MSU ing sasakupan ning kautusan (mandate) a pibuklud-buklud la reng miyayaliwang pamalenan o comunidad a pangcultura king Mindanao king pangkabilugan nang agus ning bye nang pangcultura at pampulitica ning Filipinas. Pagnasan nang daptan iti kapamilatan ning pamamye pamikatagun para king pamituru (educacion) a matas a uri at makabage king kareng kabilyan, para king karelang pansariling pamisaplala (self-development), at pamirake king kabyasnan a tecnical at magamitan king obra para king panyulung nang pangkabyayan (economic development) nign labwad (region). Kapakayan nang kamtan ing karatunan/kapayapan ampong pamisaplalang agyung mantinian (sustainable development) king labwad a MINSUPALA (Mindanao-Sulu-Palawan), mitatag apusan o standard king kabyasnan king ciencia, alit (arts), tecnologia, at aliwa pang larangan; gawang malagwa ing pamisaplala rang pangkabyayan (economic), pangcultura, pang-sociedad, pampulitica, pang-agricultura ampong pang-industria da reng Muslim ampo reng aliwang lupung a pangcultura, bang miyalalayan ing pamakisanmetung da king comunidad a pambangsa; byayan ya ampong gambulan ing mabandi nang pamanang pangcultura ning labwad, at panatilyan ing kayang dakal a likas a bandi.

Cursung yampang[mag-edit | edit source]

Manigobra ya ing MSU-Marawi bang maging manimunang universidad a makababo kareng labwad (supraregional) paras king pamisaplala nang pang-agricultura, pang-ecologia, pang-sociedad, pangkabyayan, at pampulitica ning Mindanao. Kapagnasan nang mitátag centru ning kabyasnan (centers of excellence) king ciencia ampong tecnologia, comerciu, humanidades (pamagaral a pantau), cienciang pang-sociedad, at aliwa pang obra kayawig na niti.

Sagisag[mag-edit | edit source]

Metung yang e kilalang talapagaral a malalam belwan king cultura ampong panimanman (vision) ing miglalang king sagisag ning MSU. Deng atlung yata (sinag) mangabaldugan lang Mindanao, Sulu and Palawan (MINSUPALA), deng atlung labwad a ukulan dang silbian o suyuan ning MSU anyang mitátag ya iti. Ing kabaldugan ning sulu king libutad, ing sala, a yang maging daklat o giya da reng memalen king karelang pamanintun king kabyasnan. Den namang asan ampong simbolong “okir” a makapadurut king sulu, pati na reng kule, ilang mangabaldugan king cultura da reng Maranao, a manuknangan makapadurut king MSU.

Suglung a palwal[mag-edit | edit source]

Oficial a karinan king Aptas (official websites)[mag-edit | edit source]