New Era University

New Era University
*Universidad ning Nuevo Era*

Motto	"Godliness is the foundation knowledge." (Ing pangamaka-Dios ing katatalakaran ning kabyasnan
Mitátag	June 17 1975
Uri	Private
Magaral	manga 30,000
Lugal	Quezon Lakanbalen, Filipinas
Address	No. 9 Central Avenue, New Era (Central Office Complex of the INC
Campus	Urban
Kuule	Aluntyan, Maputi, Malutu ███
Palayo	New Era Hunters
Mascot	Hunter
Fight song	All Hail Fair New Era!
Kaugne	Iglesia Ni Cristo, NAASCU,PAASCU
Website/Karinan-Aptas	www.neu.edu.ph

Ing New Era University (NEU) metung yang pipagaralan king Filipinas a palakad ning Iglesia ni Cristo (INC). Atyu king # 9 Central Avenue, New Era, Quezon Lakanbalen, king Central Office Complex ning INC. Atin yang mapilang sanga kareng myayaliwang dake ning Filipinas, alimbawa king San Fernando Lakanbalen, Pampanga, king Lipa Lakanbalen, Batangas, ampong General Santos Lakanbalen, South Cotabato.

Mitatag ya kanitang Junio 17, 1975. New Era Educational Institute ing minuna nang lagyu, at king Echague, Quiapo, Menila king Dalang Carlos Palanca ya anyang purmeru. Anyang mumuna, secundariu (matas a pipagaralan o high school mu ing yampang na, oneng meragul ya kanitang 1977, at mika cursu ya mu namang technical ampong vocational lalam ning Center for Livelihood and Skills Training (CLST) anyang meragul ya ketang 1977. Atin ne muring cursung graduadu (masteral ampong doctoral).

Miyalilan yang lagyu king New Era College anyang kinilala neng colegiu ning Ministry of Education, Culture and Sports (MECS) ketang 1981. Ketang Junio 1995, miyalis ya king salukuyan nang lagyu, ing New Era University, anyang gewa neng universidad ning Commission of Higher Education (CHED).

Anyang 1982, milyari ing mumuna nang seremonya ning pangayari o commencement exercise, at pigkalub na ing Bachelor of Science in Psychology, Industrial Education ampong Business Administration kareng mumunang labing adwang graduadu o miyari.

Mitatag ya ing escuelang pang-graduadu ketang banwang 1983-84, at miyampang yang Master of Arts in College Teaching. Migumpisa la murin deng cursung Bachelor of Elementary ampong Bachelor of Secondary Education. At anyang 1984, inumpisan no ning New Era College deng kayang departamentu ning preschool ampong elementarya.

Anyang Mayo 10, 1986, biklat neng Eraño G. Manalo ing bayu at permanenting campus ning New Era College king Dalang St. Joseph, Milton Hills Subdivision, Diliman, Quezon Lakanbalen. Uli ning prublema king kataimikan ketang lugal ning campus king Menila, miyalis la mu naman deng departamentung secundaria ampong pamiturung e pormal (non-formal education) ketang bayung campus king Diliman. Uli na niti, miyabe-yabe la reng eganaganang dake ning colegiu lalam ning bayung gusaling maki apat a palapag o pisu.[1]

King salukuyan, palakad ne pa murin ning INC para king pamangaylangan da king pamituru o educacion deng kayanib, dapot tatanggap yang magaral ibat kareng e kayanib. Atyu murin king lalam ning universidad ing College of Evangelical Ministry, nung nu na la sasanayang maging ministru deng kayanib nang lalaki.

Deng aliwang colegiu ila pin deng College of Engineering and Technology, College of Nursing, College of Business Administration, College of Arts and Sciences, College of Education, College of Law ampong School of Graduate Studies.

Facultad ampong Colegiu

Ing Main Building ning New Era University king Quezon Lakanbalen

College of Evangelical Ministry
College of Arts and Sciences
College of Business Administration
College of Education
College of Engineering and Technology
College of Law
College of Nursing
High School Department
Elementary Department
Pre-school Department
Special Education Department
Non-Formal Education Department

Lon ya murin iti

Iglesia ni Cristo

Suglung palual

http://www.neu.edu.ph Official Website Of New Era University
http://web.archive.org/20061022001203/www.fortunecity.com/millenium/blueridge/188/neu.htm Information about New Era, from INC member]

Pikuanan