Oskar Schindler

Oskar Schindler
Mibait	28 ya ing Abril 1908 Zwittau, Moravia, Austria-Hungría (Austria-Hungary) / (ngéni Svitavy, República Checa)
Mete	9 ya ing Octubre 1974 (edad 66) Hildesheim, Lower Saxony, Albugang Alemania
Libingan	Cementeriong Catolico ning Mount Zion, Jerusalem, Israel
Kapanintunan/propesion	Industrialista ​
Asawa	Emilie Pelzl ​(m. 1928)
Ának	2

I Oskar Schindler (28 ya ing Abril 1908 – 9 ya ing Octubre 1974) métung yang Aleman a industrialista, humanitario ampóng kayánib ning Partido Nazing péparamlan dang ményagip karéng bié da réng 1,200ng Judio anyang Holocaust kapamílatan ning pámangámit karéla karéng kayang fabricang enamelware ampóng bálas king dáké ning Poloniang (Poland) ampóng Bohemia ampóng Moraviang sinákup da réng Aleman. Tungkul ya kaya ing novela anyang 1982, ing Schindler's Ark, ampó ing pelicula anyang 1993 a makabási kaníti, ing Schindler's List, nung nú ya makasalamin ing kayang bié, ing bié ning oportunistang mánintun túbû a migpaltóng é karaníwan a pamágkusa, tíbé lub, tápang ampóng katapatan lub a mékáligtas karéng bié da réng empleadu nang Judio.