Owen Wilson

Owen Wilson
I Wilson king Cannes Film Festival premiere ning Midnight in Paris (2011)
Mibait	18 ya ing Noviembre 1968 Dallas, Texas, Estados Unidos
Kapanintunan/propesion	Artista, producer, talasúlat senario
Ának	3

I Owen Cunningham Wilson (míbait 18 ya ing Noviembre 1968) métung yang Americanung artista. Maralas neng ákakapagóbra ing talagawang peliculang i Wes Anderson, a kayábé nang línagé ampóng sínúlat karéng peliculang Bottle Rocket (1996), Rushmore (1998), ampóng The Royal Tenenbaums (2001)— ing tawli mika nominacion ya para king Academy Award ampó king BAFTA Award for Best Screenplay. Línagé ya mu naman king pelicula nang Anderson a ing The Life Aquatic with Steve Zissou (2004), The Darjeeling Limited (2007), Fantastic Mr. Fox (2009), The Grand Budapest Hotel (2014), ampó ing The French Dispatch (2021). I Wilson múrin ing bida king comedia romántica (romantic comedy) nang Woody Allen a ing Midnight in Paris (2011) a línagé antimóng ing talasúlat senariong i Gil Pender, a péniambut nang nominacion para king Golden Globe Award. Anyang 2014, línagé ya king pelicula nang Paul Thomas Anderson a ing Inherent Vice ampó ing pelicula nang Peter Bogdanovich a ing She's Funny That Way.