Pámagbáyu

Ibat king Wikipedia
Jump to navigation Jump to search

Ing pámagbáyu (Páli: anicca; Sanskritu: अनित्य; anitya), impermanensia u transitoriedad metung yang karing túrû ning Budismu. King Budismu, ing totalidad ning kondisionádung eksistensia, alâng eksepsion, transitoriu ya ampong ebanesenti at ingkonstanti.[1]

King kawatásan[mag-edit | alilan ya ing pikuwanan]

"Ing Maputing Liryo" (2005) ing títulu ning isa karing poema king amánung Kapampángan ning talasúlat a Filipínung i Renato Alzadón.

Lalam nang likupan ning Bale-Salamin
Karin ya ing metung a Modernung Jardin
Timpladu ya pali, danum, gabun, angin
Pili lang tanaman detang atyu karin.

Ing bining menibat pamu king marayu
King Modernung Jardin, karin ya tinubu;
Inyang dagul ne yan at maspak ne buku
Liryu yang Maputing sakdal king kalagu.

Mikatagun naman 'tin kapagmasusian
Ing Maputing Liryo mayagtal ya kanian;
Uling king leguan na ya ing karampatan
Maguing palamuting mikana king siduan.

O' karing gamat ning mayap a Florista
Linto yang balamu sikat a artista;
Nung 'tin yamang abe ketang pomang ita
Kontra-bida la mu at dakal a extra.

Ing kapagmasusian mengari yang sine
King Maputing Liryo dakal lang menalbe;
Ninuman manakit king leguan nang tagle
Pupuryan deng anting Reyna na ning Arte.

Dapot kalabas na ning kapagmasusian
Ding taung menalbe mako nala naman.
Mapilan mung galo gamat ning orasan
Ing Maputing Liryo ala ne king siduan.

Insamang Sampagang meyagtal king tangke,
Agyang sablang lingap gisanan mung ibie,
Diligan me man king lua mung sasagese,
Malanat ya mu rin, mistula yang banke.

Ngening ala nayu king lugal nang siduan
Ing Maputing Liryo nuta ya dulapan?
Oitang makatambun ketang basurahan
Inugse ra nyamung kalupa ning basan.

Aral:

O' Maputing Liryo , emu pakakatas
Malagu ka ngeni, nanu kata bukas?
Potang king ketasan tagusgus kang kuldas
Ing manaya keka..., Kutkutan yang Paldas!!!

Ding daleráyan[mag-edit | alilan ya ing pikuwanan]

  1. (1921) Pali-English Dictionary. Motilal Banarsidass, 355, Article on Nicca. ISBN 978-81-208-1144-7. 


Usbong Ing artikulung ini metung yang suli. Makasaup ka king Wikipedia kapamilatan ning pamandagdag kaniti.