Pabasa ning Pasyun
Ing Pabasa ning Pasyun/Pasion o mas kilala king terminolohiyang Pabasa/Puni metung yang devociong Katoliko a maralas magaganap king kekaban ning Mal a Aldo/Maleldo. Metung ya iting alang tuknang a pamamasa ning libru ning Pasion, poesyang patungkul king bie, lasa, kamatayan at pamanyubli nang mebie Jesus. Ding bersikulo meyangu la king Biblia at kng Banal a Tradisyun.
Kabaldugan[mag-edit | alilan ya ing pikuwanan]
Ding babasa mipanalili la king pamamasa king libru ning Pasion, malyaring metunng lang grupo sabe-sabe babasa o kaya naman metung o adua lang mipamakibat karing bersikulo.[1] Maralas mibabasa ya ing Pasion alang instrumento, dapot malyari murin ing pamanggamit kareti kalupa ring gitara, piano, organ, rondalla, at aliwa pa.
Penibatan[mag-edit | alilan ya ing pikuwanan]
Bayu ya mipalaganap, mipakilala ya ing tradisyun ning Pabasa karing grupong etniko ning Pilipinas kapamilatan din frailes a magpalaganap king relihiyun Katoliko.[2] King kekaban ning panaung kolonyal manibat inyang kalabing-anam anggang kalabing-walung siglu, ding tubung Pilipinu tinggap da ing tradisyun a iti, ginamit da ding pari ing paralan pamagkanta ding etnikong tribu ning Pilipinas. Uli na niti, mi-preserba ing paralan a pamagkanta ding etnikong tribo ning Pilipinas kayabe ding Tagalug, Ilakanu, Kapampangan, at Bisaya.[3]
Kaba[mag-edit | alilan ya ing pikuwanan]
Ing pamamasa ning Pasion malyari yang panimunan ding organisasyung relihiyoso, maralas deng Chapel Pastoral Council da ring balang bisitas. Ing pamamasa luluat yang atlung aldo, alang tuknang iti patingapun at kabukas.[4]Ing Pabasa malyari yang umpisan king Domingo ning Palaspas o kaya naman Lunes Santo, malyari ya namang umpisan iti Huwebes Santo. Mayayari ya iti maralas kapitangan bengi ning Miyerkules nung inumpisan yang Duminggo o Lunes, o kaya naman Biyernes alas dose ning ugtu o bayu ing alas tres ning gatpanapun. [1]
Ding tono[mag-edit | alilan ya ing pikuwanan]
Ali la palagyuan maralas deng tono ning pasyun, ali la naman pakasulat king sheet music nune mikakanta la ring tono gamit ing memorya. King dane Katagalugan, mas simpli la ding tono a magagamit at malyari lang abalu king makuyad a panaun.
https://www.youtube.com/watch?v=JuqLJ8AQqSQ&pp=ygUYcGFzeW9uIHRyYWRpdGlvbmFsIHR1bmVz
https://www.youtube.com/watch?v=5kkztFBryks&pp=ygUYcGFzeW9uIHRyYWRpdGlvbmFsIHR1bmVz
Ding link king babo yapin ding peka-popular a tono at balu kerakalan ding babasa king Pasyun.
Ding Tonong Kapampangan[mag-edit | alilan ya ing pikuwanan]
Ding tono a magagamit king probinsya ning Pampanga mas masakit lang panigaralan. Makapangilabut la uli na ning gege da ring tono lalu na ding tonong tradisyunal.
Apat la ring klase da ding tono king Pampanga, ding Sane, Pamuntu, Pasadoble, at Memorial.
- ↑ 1.0 1.1 Pazzibugan, Dona. "'Pabasa' is for meditating, not loud wailing". Philippine Daily Inquirer. Archived from the original on 18 November 2011. Retrieved 30 June 2011.
- ↑ "Pabasa in New Jersey". Philippine News. Archived from the original on 15 May 2011. Retrieved 30 June 2011.
- ↑ "Pabasa, Golgotha Part of Bangus Festival 2011". Dagupan City Bangus Festival 2011. Retrieved 30 June 2011
- ↑ Hermoso, Christina. "'Pabasa' begins this Monday". Manila Bulletin. Retrieved 30 June 2011.