Pablo Virgilio David

Ibat king Wikipedia
Jump to navigation Jump to search

I Pablo Virgilio Siongco David (mibait 2 Marzo 1959) Obispu yang Kasaup (Auxiliary Bishop) ning San Fernando, Pampanga. Pepawaga na ning Roma ing pamanuldu nang Papa Benedicto XVI kayá aniang Mayo 27, 2006. Ya mu naman ing Kaduang Pamuntuk ning Archdiocesan Media Apostolate Networks Unlimited, Inc. king Arkidiosesis ning San Fernando.

Kayanakan ampong Ordinasion

Mibait ya i David king Betis, Guagua, Pampanga, kang Pedro Sahagun David ning Betis, ampo kang Bienvenida Sanchez Siongco ning Macabebe. Kapatad na la ri Jesus Randolf (Randy David) (propesor king sociology), Nestor Antonio (arkitektu), Leila Katrina (abogada), Isaac Victoriano (inierung sibil), Dante Leonardo (abogadu), Racquel Ruth (real estate broker), Blas Pedro, Jr. (bangkeru), Francisca Clarissa (medical technologist), Maria Lilia (critical care nurse), Agnes Peidad Joaquina (empleada king gobiernu), Maria Victoria Epifania (dentista) ampong David (economista).

Miyari yang elementaria king Betis Elementary School, sekundaria king Mother of Good Counsel Seminary king San Fernando, ampong kolehio (AB Pre-Divinity) king Ateneo de Manila University. Meordina ya aniang Marzo 12, 1983.

Pamagaral a Graduadu ampong Responsibilidad antimong Pari

Sindu nang David ing kayang pamagaral para king MA Theology (Loyola School of Theology), Licentiate in Sacred Theology (Catholic University of Louvain, Belgium), Eleve Titulaire (Ecole Biblique et Archeologique Francaise de Jerualem), ampong Doctorate in Sacred Theology (Catholic University of Louvain, Belgium).

Migsilbi yang kasaup a kura paroko (assistant parish priest) king Parokia ning Santa Lucia king Sasmuan, Pampanga kaibat nang meordina aniang 1983.

Aniang, megi yang Direktor ning Departamentu ning Pilosopia king Mother of Good Counsel Seminary anggang 1986. Kaibat, megi yang Spiritual Director ning Departamentu ning Teolohia karin, at kaibat Director of Formation.

Miyayaliwa la reng kayang puestu king Arkidiosesis ning San Fernando, antimong Director ning Pastoral Secretariat, Director ning Committee for the Clergy Ongoing Formation, Director ning Archdiocesan Commission on Clergy Affairs, ampong Kaduang Pamuntuk ning Archdiocesan Media Apostolate Networks Unlimited, Inc. Angga ngeni, tatalnan ne pa ing tauli

Kayagnan ning kayang responsibilidad king Arkidiosesis, aktibu ya king akademia antimong propesor. Megi yang Professor of Philosophy ampong Professor of Scriptures king MGC Seminary, ampong Guest Professor of Scriptures king Maryhill School of Theology. Manibat 2003 anggang 2006, Kadua neng Pamuntuk ning Catholic Biblical Association of the Philippines.

Dalerayan

http://www.rcam.org/bio_data/fr_pablo_virgilio_david.htm http://www.cbcponline.net/bishops/bishops/david.html http://www.rcam.org/news/2006/new_auxiliary_bishop_for_pampanga.htm

Kapamp2c.png Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.