Parul

Ibat king Wikipedia
Jump to navigation Jump to search

Ing parul (Espaniol: farol de Navidad, farol navideño) metung yang típu ning sulu popular tung Pasku.

King kawatásan[mag-edit | alilan ya ing pikuwanan]

"Ing Parul a Pusu" ing títulu ning isa karing poema king amánung Kapampángan ning talasúlat a Filipínung i Renato Alzadón.

Papasku nanaman......!
King tulid nang eran nitang bale gipu,
Ati ne na naman
Makasabit karin ing Parul a Pusu;
Kasuyung melakwan
Panyatang ning silim, sisindyan ne sulu
Tanda ning panayan
Na ing pamagbalik ning mutyang dinayu........
Sasakali man,
Kabud ne mu datang ketang ena balu,
King balitang eran,
Ding banyagang bitis, ela mitalabu!

Papasku kanita,
King kapagnasan dang kumit bie manawa
Meko yang irug na
Tinggap ne ing obra king aliwang kuta;
Pamisulatan da
kabang bayu-bayu madalas, madiwa
O' kelambatan na
Ing datang ding sulat, malagad, bihira
Angga king alana.......
Bitasang alanang miras a balita,
Ene mekibat pa
karing kayang sulat ing dinayung mutya.

Papasku pa naman.....
Dinatang ing bagyu, kabud-abud na mu
Angin yang masikan
Ing mamius manugun ketang bale gipu;
Kalulung melakwan
Darala na mekad ning dusang milalu
Mibagyuan ya naman
Kabud nya mipase...masaspak ya salu.
Ala yang keliwan
king megising parul ing pirat nang pusu......
Ala yang keliwan
King mipdang inawa itang mipdang sulu.

Nung nukarin ya man
King disyertung asul ing dinayung mutya
Agyang saglit muman
Ing likuan nang pugad aganaka ne sa;
O' nung sakali man
Ing sadyang tuknangan datang ya king diwa
Aisip na mu man
Panaun ding Parul...panaun ning saya;
O' tulid ning eran......
Ing Parul a Pusu eya pa mibaba
Yang palatandanan
King pirat nang pusu ning kaladuang mipda!
Usbong Ing artikulung ini metung yang suli. Makasaup ka king Wikipedia kapamilatan ning pamandagdag kaniti.