Paul Cézanne

Paul Cézanne
I Cézanne anyang 1899
Mibait	19 ya ing Enero 1839 Aix-en-Provence, Francia
Mete	22 ya ing Octubre 1906 (edad 67) Aix-en-Provence, Francia
Libingan	Cementerio ning Saint-Pierre
Kapanintunan/propesion	Pintor

I Paul Cézanne (19 ya ing Enero 1839 – 22 ya ing Octubre 1906) métung yang pintor a Frances a Post-Impressionist a maki óbrang migdalang báyung parálan ning pámaglaráwan, at mig-influencia karéng pangimut king kalalangan anyang múmúnang dáké ning kadwang púlung síglu. Sasabian dang migsilbí yang tété king pílatan ning Impressionism ning tauling dáké ning kalabingsyam a síglu ampó ing Cubism ning múmúná nang dáké ning kadwang púlung síglu.