Pitsunpitsunan

Ing pitsunpitsunan o kantataba (Trianthema portulacastrum) metung yang uri ning tanaman a manyampaga king familia Aizoaceae, a awsan dang desert horse purslane king Ingles. Katutubu ya kareng mapilan a kontinenti, kayabe ya ing Africa ampong Pangulu ampong Mauling America, at metung yang species a midala kareng dakal pang lugal. Tutubu ya kareng miayaliwang uri ning karinan, at malagwa yang misingit kareng gabun a mengadistorbu ampong mitatamnan, antimong marok a dikut (weed).

Metung yang yerbang banwahan (annual herb) a magpormang dase o kumpul, nung nu la miraras metung a metru deng tangke. Maki kule yang aluntyan o berdi anggang malutu, at ala yang bwak bukud kareng mapilan a gulis a mangalating bwak malapit kareng bulung, at malaman ya. Malati la ampong mabilug o tulungkaba deng bulung a maki kabang anggang 4 sentimeterung makabili kareng mangakuyad a petiole. Ating magdilidiling sampaga kareng axil da reng bulung. Ala yang talulut ing sampaga, oneng atin yang kulul ubing (purple) sepal a balumu talulut. Ing bunga o prutas metung yang baluktut ampong tabas silindrung (cylindrical) kapsulang lulwal king tangke. Maki kaba yang kapitnang sentimetru, at atin yang adwang masyas ampong matilus a pakpak king babo, nung nu ya bubusni ing kapsula.

Ing Wikimedia Commons atin yang mediang maki kaugnayan kang/king:

Trianthema portulacastrum

Suglung palwal

• Jepson Manual Treatment
• USDA Plants Profile
• Flora of North America
• Photo gallery