Pramoedya Ananta Toer
I Pramoedya Ananta Toer[1] (6 Febrero 1925 – 30 Abril 2006) metung yang Indonesian a talasulat da reng novela, makuyad a salita, salese (essay), polemic ampong amlat ning kayang bangsa ampo ning kayang lahi. Masasaklo kareng kayang obra ing panaun ning pamaniakup, ing pamagalsa ning Indonesia para king katimawan, ing pamaglub da reng Hapones aniang Kaduang Gerang Pangyatu, ampo ing rehimen nang Sukarno ampong Suharto kaibat ning panaun ning pamaniakup, at luluban no ning kasalesayan nang pangsarili ampong pambangsa deting obra na.
Neng kai, e ra la kapad deng kapanibalan da reng talasakup ampo reng tubung kapamahalan a menalili kareti deng kasulatan nang Pramoedya. Dinalan ya king censorship i Pramoedya kabang daragul ing kayang kasikatan king kilual ning Indonesia kanitang panaun a e pa miliari ing pamagbayu (pre-reformation era). Aniang minalis king rehimen nang Suharto, mirasan ya king pamanaliwa king kabilian ning pulitica ampong pamipate-pate para king upaya king Indonesia. Uling king paglalawe kayang antimong mitagan ibat king sadiang rehimen (lipat ning linaban ya murin karela), dakal deng banuang nigse king isla ning Buru, nung nu ro susukul deng presung pampulitica, at nung nu ne kinuentu ing pikabaluan nang diling obra, ing Buru Quartet. King pamagsalita ya mu o kuentung mirake kareng aliwang presu ing epicung iti, bayu ya misulat at pasalikut a pepalual. Linaban ya i Toer kareng patakaran ning mumunang pamuntuk (i Sukarno) ampo ing kayang kayalili, ing rehimen nang New Order (o Bayung Palakad) ning Pamuntuk o Presidenti Suharto, dapot pinu at e halata ing kayang pamagpuna, dapot masikan ing kayang pamalak laban king colonialismu ampong discriminaciun basi king lahi (racism). Aniang dakal a banuang atiu king sukulan ampong mekulung ya king kayang bale (house arrest), megi yang kilalang sagisag ning katimawan ning pamipahayag ampo ning katulirang pantau.
Manimunang Obra
- Kranji-Bekasi Jatuh (1947)
- Perburuan (The Fugitive) (1950)
- Keluarga Gerilya (1950)
- Bukan Pasar Malam (1951)
- Cerita dari Blora (1952)
- Gulat di Jakarta (1953)
- Korupsi (Corruption) (1954)
- Midah - Si Manis Bergigi Emas (1954)
- Cerita Calon Arang (The King, the Witch, and the Priest) (1957)
- Hoakiau di Indonesia (1960)
- Panggil Aku Kartini Saja I & II (1962)
- The Buru Quartet
- Bumi Manusia (This Earth of Mankind) (1980)
- Anak Semua Bangsa (Child of All Nations) (1980)
- Jejak Langkah (Footsteps) (1985)
- Rumah Kaca (House of Glass) (1988)
- Gadis Pantai (The Girl from the Coast) (1982)
- Nyanyi Sunyi Seorang Bisu (A Mute's Soliloquy) (1995)
- Arus Balik (1995)
- Arok Dedes (1999)
- Mangir (1999)
- Larasati (2000)
Notes
- ↑ Keraklan, deng tau Java ala lang pilidu anti reng tau Europa. Ing Toer e ne pilidung Pramoedya, at nung ausan ya king formal a paralan, mayayaus yang Mr Pramoedya.
Karagdagang babasan
Libru tungkul kang Pramoedya Ananta Toer
- Citra Manusia Indonesia dalam Karya Pramoedya Ananta Toer, by A. Teeuw, Pustaka Jaya, Jakarta, 1997. Template:Id icon
- Pramoedya Ananta Toer dan Sastra Realisme Sosialis Archived Setyembri 4, 2014 at the Wayback Machine, by Eka Kurniawan, Gramedia Pustaka Utama, Jakarta, 2006. Template:Id icon
- Exile : Pramoedya Ananta Toer in conversation with Andre Vltchek and Rossie Indira (Chicago, Ill. : Haymarket Books, 2006). ISBN 1-931859-28-0. (English)
Suglung palual
- On the Death of Pramoedya Ananta Toer - by Tariq Ali Archived Pebreru 3, 2007 at the Wayback Machine
- Pramoedya Ananta Toer information page Archived Pebreru 21, 2009 at the Wayback Machine
- Pramoedya Ananta Toer, 81, Indonesian Novelist, Dies (The New York Times, April 30)
- Equinox Publishing
- Pramoedya and Politics