Rico J. Puno

Ibat king Wikipedia
Rico J. Puno
Lagyu pangabaitEnrico de Jesus Puno
Kilala ya murin anti mungRico J Puno
PenibatanManila, Philippines
Tinduk ning tigtig (Genre)Manila sound
Banwa nung kapilan aktibu1974-present
Palageng makaugneHajji Alejandro
Rey Valera

I Enrico de Jesus Puno (mibait aniang Febrero 13, 1953), a mas kilala king lagiung Rico J. Puno, metung yang sikat a Filipinong talacantang pop ampong television host a tuturing dang metung kareng kanita pa manimunang talapagtaguyud ning musicang Filipino. Pepasikat na ing pamangamit king amanung Tagalug king kayang pamagcanta king ibat king Americang The Way We Were at aliwa pang cantang ibat kareng aliwang bangsa. Ausan de muring Rico J. ampong The Total Entertainer, i Puno is a talacantang sasamutanan nang biru ampong comedy ing kayang pamaglage king entablado. King salukuyan, a ing host ning pang-ugtung palageng variety a ing Pilipinas Win na Win kayabe la ri Rey Valera, Marco Sison ampong Nonoy Zuniga. Bukud king pamag host king telebision, ya murin ing Undersecretary of the Department of Interior and Local Government o DILG (Kaduang Kalihim ning Sakdalan ning Pisasabiang Panglub ampong Local a Kapamahalan).

Actibu ya murin king politica i Puno. Aniang 1998, mialal yang Consejal o City Councilor ning Makati Lakanbalen ibat king mumunang distrito anggang miyari ing katlu na ampong tauling termino aniang 2007. Tinagal yang kaduang punbalen o vice mayor ning Makkati Lakanbalen aniang alalan ning 2010, oneng mesambut ya.

Ding daleráyan

 Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.