Saint Louis University, Baguio City

Ibat king Wikipedia
Saint Louis University
Motto Sapientia aedificat, ("ing kabiasnan, makapanikdo ya")
Mitátag 1911
Uri Pribadu, CICM
Pamuntuk Rev. Fr. Jessie M. Hechanova
Magaral 20,000
Lugal Baguio Lakanbalen, Benguet, Filipinas
Address A. Bonifacio Street
2600 Baguio Lakanbalen, Filipinas
Teleponu (063) (74) 442-3043; 442-2793;
442-2193; 443-2001;
444-8246 to 48
(063) (74) 442-2842 (fax)
Campus 6 ektarea
Kule maputi ampong iro (azul)
Website/Karinan-Aptas www.slu.edu.ph

Ing Saint Louis University (SLU) metung yang pipagaralan king Baguio Lakanbalen a manga aduang dalan limampulung (250) kilometru king pangulu ning Menila.

Pekamaulagang impormasiun[mag-edit | alilan ya ing pikuwanan]

Tetag de kanitang 1911 deng misionariu ning w:Congregatio Immaculati Cordis Mariae (CICM) ing Saint Louis University ba yang isundu ing pamag-Cristianu na ning pangulu ning Filipinas. Mayayakit ya king Baguio Lakanbalen, metung a siudad bakasiunan aduang dalan limampulung (250) kilometru king pangulu ning Menila a ausan dang "Summer Capital of the Philippines" (Kapitoliung Pangkaleldo ning Filipinas). Ing SLU ing pekamaragul a unibersidad king Pangulung Filipinas (Northern Philippines); kanitang Noviembri 17, 2007, 20,750 (adua lang pulung libu pitung dalan limang pulu) la reng magaral keti, at ibat la karen ngang labuad ning Filipinas deti, bukud pa kareng aliwang bangsa. Atyu king sentru ning Baguio ing kayang campus a maki atlung pulung gusali, at misasamut la keti deng miyayaliwang kultura ampong nasiun. Ngeni, tuturing deng metung kareng manimuna at gagalang a institusion ning Filipinas. Daragul ya kayabe ing pamangailangan da reng magaral ampong talaturu, at miyayampang yang pamagaral king elementaria sekundaria, kolehiyu ampong graduadu.

Amlat[mag-edit | alilan ya ing pikuwanan]

Kanitang 1907, míras la king Filipinas deng misionariung CICM, a tiburan ning Vaticanung gawan yang Cristianu ing dake nang pangulu ning bangsa. King Baguio la menuknangan deting misionariu uling pareu yang malapit iti king Menila ampo king lalawigan ning Benguet king kabundukang Cordillera, nung nu maki dakal a tribung tubu. Aniang 1911, tetag neng Rev. Fr. Séraphin Devesse, CICM king Baguio para kareng apulung ának a lalaking taga karin, at inaus neng Saint Louis School iti. Ketang 1915, meragul ya ing eskuela, at megi yang vocational and trade school, at mitikdo yang sanga iti. Aniang banuang 1952, mibusni ya ing College of Liberal Arts and Commerce, kapamilata’nang Gerard Decaestecker. Kalabas ning panaun, miragdagan la reng kayang kursu at sinulung ya ing pipagaralan. Mekilala la reng programa nang pang-graduadu ning Saint Louis College ketang 1955, at megi yang unibersidad kanitang 1963.[1]

Mika ranggu yang katlu kareng aduang dalan siam a pulu’t anam a eskuela king mabilug a Filipinas basi king bilang da reng mipapasar kareng miyayaliwang iksamin manibat 1999 anggang 2003 agpang king pamanyuri ning Professional Regulation Commission ampo ing Commission on Higher Education.

Ing Banua-banuang Pamanalkus ning SLU[mag-edit | alilan ya ing pikuwanan]

  • 1907 Miras la king Filipinas deng misionariung CICM king tubud ning Santa Sede (Holy See) ba yang gawang Cristianu ing pangulu nang dake ning bangsa
  • 1911 Mipaltutu ing paninap nang Rev. Fr. Serafino De Vesse, CICM aniang tetag ne ing St. Louis Mission School, king malating baleng metung mu kuartu, a maki apulung disipulus.
  • 1915 Megi yang trade school ing St. Louis Louis lalam nang Fr. Florimond Carlu. Kasaup la reng Canonesses of St. Augustine, megi yang kumpletung eskuelang pang-primaria, a maki gradung intermediate
  • 1921 Mipalagyuan yang St. Louis School ing eskuela, a pekilagyu ra kang San Luis Gonzaga. Meragul ya iti at mika sekundaria: saparadu ya ing campus king Cathedral Hill para kareng sekundariang lálaki, at maki sarili no man deng bábaing sekundaria ampong elementaria king Campo Filipino.
  • 1951 Kaibat ning Kaduang Gerang Meto Yatu, mibuklat yang pasibayu ing eskuela, busal ning kasiran. Deng Misionariung CICM ing menibala ketang Boys’ High School, kabang madre no mang ICM deng tinalan king Girls High School
  • 1952 Uli ning misanib a pamagmalasakit da ri Msgr. William Brasseur ampong Rev. Fr. Rafael Desmedt, mitátag ya ing Saint Louis College, a kanita bibilugan da makatuking departamentu: Education, Liberal Arts, Commerce and Secretarial. Pitung pulu’t lima (75) la mu deng magaral aniang migumpisa ya ing eskuela.
  • 1954 Migumpisa ya ing College of Engineering ampo ing College of Law
  • 1956 Mitikdo ya ing Graduate School of Arts and Sciences
  • 1963 Mipalagyuan yang Saint Louis University ing Saint Louis College aniang pigkalubanan ne king kabilian a unibersidad ning kapamahalan ning Filipinas kanitang May 16, 1963. Ing SLU ing mumunang pribadung unibersidad king pangulung Filipinas a mekilalang unibersidad.
  • 1967 Megi yang aduang kolehiyu, ing College of Human Sciences ampong College of Natural Sciences, ing College of Liberal Arts.
  • 1976 Mitátag ya ing College of Medicine ampo ing College of Nursing.
  • 1977 Mitikdo ya ing SLU Hospital of the Sacred Heart bang sumuyu king pamangailangan dang pangkabulasan deng memalen ning Baguio. Iti ing pipagsanayan da reng magaral king College of Medicine ampong College of Nursing.
  • 1982 Kaibat ning maigpit a pamanyuri, pigkalubanan ne king kabilian a “deregulated” (sariling pamanibala) ning Philippine Association of Accrediting Schools, Colleges and Universities (PAASCU) ing SLU.
  • 1983 Miyari ya ing Dr. Waldo S. Perfecto Building
  • 1986 Milukluk ya i Rev. Fr. Joseph Van Den Daelen, CICM
  • 1986 Pigmasusian na ning SLU ing pitumpulu’t limang (75) banua ketang kayang Diamond Jubilee Year, a maki temang “Sharing Wisdom Building Values for God and Country.”.
  • 1990 Migumpisa ya ing Institute for Information and Computer Science (IICS)
  • 1993 Mitátag ya ing Center for Culture and the Arts aniang Mayu 27.
  • 1994 Megi yang College of Information and Computing Sciences ing IICS
  • 1996 Miyari ya ing Covered Court

Pisasabian a Akademiku[mag-edit | alilan ya ing pikuwanan]

King salukuyan, siam la reng kolehiyu king Saint Louis University:

Deng makatuki ila reng aliwang dake na:

  • Saint Louis University Laboratory Elementary School, Baguio City
  • Saint Louis University Laboratory High School, Baguio City
  • Saint Louis College, San Fernando City, La Union
  • University of Saint Louis, Tuguegarao City
  • Saint Mary's University, Bayombong, Nueva Vizcaya
  • Saint Louis School of Mandaue, Mandaue City, Cebu
  • Maryhurst Seminary, Baguio City
  • Maryhill School of Theology, Quezon City
  • Maryshore Seminary, Bacolod City

Pamangilala[mag-edit | alilan ya ing pikuwanan]

Pambangsa

Internasiunal

Deng Kolehiyu Maki siam yang kolehiyu ing Saint Louis University, a miyayampang kursung pang-graduadu ampong pang-kolehiyu:

College of Accountancy and Commerce

College of Education

College of Engineering and Architecture

College of Human Sciences

College of Information and Computing Sciences

College of Law

College of Medicine

College of Natural Sciences

College of Nursing

Kikilalanan no ning Philippine Accrediting Association of Schools, Colleges and Universities (PAASCU) deng kursung yampang da reng miyayaliwang kolehiyu. Lima la reng kolehiyung dininan nang galal ning Commission on Higher Education (CHED) uli ning karelang masanting a rekord:

College of Education - Center of Excellence for Teacher Education

College of Nursing - Center of Excellence for Nursing Education

College of Engineering and Architecture - Center of Development for Engineering and Architecture and CHED Pilot Center for Graduate Program in Engineering

College of Accountancy and Commerce - Center of Development for Business and Management

College of Natural Sciences - CHED Pilot Center for Graduate Program in Biology.

College of Information & Computing Sciences - Center of Development for Information Technology.

Pikuanan[mag-edit | alilan ya ing pikuwanan]

  1. Saint Louis University, Baguio City, Philippines. Archived from the original on 2010-02-23. Retrieved on 2008-04-17.