San Beda College

Ibat king Wikipedia
Jump to navigation Jump to search
San Beda Old English.png
Colegio de San Beda
Kolehiyu ning San Beda

San Beda.jpg

Motto Fides, Scientia, Virtus
Mitátag 1901
Uri Pribadu, Catolicu, Benedictine
Rector-President Rev. Fr. Anscar J. Chupungco, OSB (Alabang campus); Rev. Fr. Mateo. J. De Jesus, OSB (Mendiola-Taytay campuses)
Talaturu 915 (kayabe la reng service personnel)
Magaral king kolehiyo manga 4,000
Magaral a postgraduate Law, Medicine, Liturgical Studies, MBA
Lugal Menila, Metro Manila, Filipinas
Campus Mendiola, Manila (Main); Taytay, Rizal; Alabang, Muntinlupa Lakanbalen
Imno Bedan Hymn
Kule Malutu ampong Maputi
Palayo Redlions sm.jpg San Beda Red Lions
Mascot Red Lion, Little Indians
Website/Karinan-Aptas www.sanbeda.edu.ph

Ing San Beda College (SBC) metung yang kolehiyung palakad da reng monghang Benedictine king Filipinas. Atiyu iti king Mendiola Street king San Miguel, Menila. Mitátag ya iti kanitang 1901 ba yang pakibatan ing daragul a pamangailangan da reng memalen para king edukasiun.[citation needed] Migumpisa ya antimong eskuelang elementaria para kareng lalaki ing San Beda, a yausan dang El Colegio de San Beda ketang panaun a ita. Manibat kanita, mika departamentu yang sekundaria, College of Arts and Sciences, ampong Law School. King salukuyan, atin yang atlung aliwa pang campus: ing San Beda College-Rizal (ing pekamaragul a San Beda campus king leparan), ampo ing bayung extension campus para king College of Law king Muntinlupa Lakanbalen. Atin ya muring kapatad a eskuela, ing San Beda College Alabang (ing sadyang St. Benedict College ampong Benedictine Abbey School) king Alabang Hills karin Muntinlupa. Panibalan de murin deng monghang Benedictine ing Paul VI Institute of Liturgy king Malaybalay.

Mayayakit ya king metung a komunidad a sadyang bibilugan da reng tahimik a tuknangan da reng kasantingan kabilyan (middle class). Ngeni, kayabe ne iti king ausan dang w:University Belt, metung a lugal a tabas telabulan (crescent) a manga anam a kilometru kaba, a lalabas kareng anam a distritu ning Menila, at maki maigit yang atlung pulung kolehiu ampong unibersidad.

King salukuyan, pitu lang departamentu deng bibilug king San Beda: ing Basic Education Department; College of Arts and Sciences, a maki kursung liberal arts, siensia ampong komersiu; ing College of Law, a mitátag kanitang 1948; deng Graduate Schools ning Business, Liturgy ampong Law; ing College of Medicine, ampo ing College of Nursing. Minuna lang metanggap deng bábai kanitang 2004, at miyalis ya ing kayang Basic Education Department (pre-school anggang high school) ketang bayung campus king Taytay, Rizal.

Metung yang kayanib a talatátag king Philippine Accrediting Association of Schools, Colleges and Universities (PAASCU) ampo king National Collegiate Athletic Association (Philippines) ing San Beda.[citation needed] Deng kayang varsity team ila pin deng San Beda Red Lions, nung nu la kayabe reng Team A o Team Animo, ampo ing Team B, ing Team Behold. Ing San Beda College Alabang kayabe ya kareng miyayaliwang liga antimo ing WNCAA, NCAA South ampong National Cheerleading Competition (NCC).

Pasilidad[mag-edit | alilan ya ing pikuwanan]

Kilub ning St. Placid's Sports Complex

Dirinan nang ulaga ning planu ning eskuela ing pangamagamitan (functionality) ampo ing sintingan (aesthetics). Gagamitan nang ustu ning eskuela ing espasiu, at makasadia ya kareng kuartung miyayaliwa gamit (multi-purpose rooms). Atin yang aduang air-conditioning unit ing balang kuartung pipagaralan (classroom), overhead projector. Maki overhead projector, LCD projector ampong white screen ing balang kuartu. Atin muring Conference Hall (Siduan a Pulungan) a laganas a maka air-condition at masala. Kayabe la kareng pasilidad a pang-pasiknangan (sports facilities) deng St. Placid's Sports Complex, senior football field, physical fitness room, ampong swimming pool.

Atin yang apat yang aklatan, apat a laboratoriung siensia, anam a laboratoriung pang-computer, metung a klinikang medical ampong dental, metung a football field, aduang swimming pool, metung a quadrangle nung nu mikakapapamitipun neng abak ampong pangayari (graduation), aduang kantina ampong metung a tindahan libru ing San Beda College.

Suglung palual[mag-edit | alilan ya ing pikuwanan]


Ing Mendiola Consortium
Centro Escolar UniversityCollege of the Holy SpiritLa Consolacion CollegeSan Beda College


Ing National Collegiate Athletic Association (Filipinas) Season 83
Seniors: Letran colors.svg Letran Knights | De La Salle–College of Saint Benilde colors.svg St. Benilde Blazers | NU colors.svg JRU Heavy Bombers | Mapua colors.svg Mapúa Cardinals
PCU colors.svg PCU Dolphins | San Beda colors.svg San Beda Red Lions | SSC-R colors.svg San Sebastian Stags | UPHD colors.svg UPHSD Altas
Juniors: Letran colors.svg Letran Squires | NU colors.svg JRU Light Bombers De La Salle–College of Saint Benilde colors.svg La Salle Greenies | PCU colors.svg PCU Union Baby Dolphins
San Beda colors.svg San Beda Red Cubs |SSC-R colors.svg San Sebastian Staglets | UPHD colors.svg UPHSD Altalettes
NCAA king Mawli (South) | Listaan da reng of panaun ning pyalung (seasons) | Deng campeonatu