Santiago Calatrava

Santiago Calatrava
	Santiago Calatrava
	; I Calatrava anyang 2010
Mibait	28 ya ing Julio 1951 (edad 72); Valencia, Espania
Kapanintunan/propesion	Arquitectu, inierung estructural, escultor, pintor

I Santiago Calatrava Valls (míbayit 28 ya ing Julio 1951) métung yang Espanol a arquitectu, inierung estructural, escultor ampóng pintor, a píkabaluan karéng kayang téténg susuportan na ning métung a pylon a makakíling, ampó réng kayang estación tren, stadium ampóng museo, a maki esculturang lúlúpang mabiéng bágé.^[1] Kayábé la karéng píkabaluan nang díling obra déng Olympic Sports Complex of Athens, Milwaukee Art Museum, ing torreng Turning Torso king Malmö, king Suecia (Sweden), ing World Trade Center Transportation Hub king Lakanbalén ning New York, ing Auditorio de Tenerife king Santa Cruz de Tenerife, ing Margaret Hunt Hill Bridge king Dallas, Texas, ampó ing pékamaragul nang proyectu, ing City of Arts and Sciences ampóng Opera House king lugal nang béitan, ing Valencia. Atin yang oficina ing kayang companiang architectural king Lakanbalén ning New York City, Doha, ampóng Zürich.