Jump to content

Saul Bass

Ibat king Wikipedia
Saul Bass
MibaitMayu 08 1920(1920-05-08)
New York Lakanbalen, New York, Estados Unidos
MeteAbril 25 1996 (maki edad a 75)
Los Angeles, California
Kapanintunan/propesionGraphic designer, title designer, direktor da reng pelikula
AsawaElaine Bass (1961-1996; kamate na; 2 ának)

I Saul Bass (Mayo 8, 1920 – Abril 25, 1996) metung yang Americanung graphic designer ampong talagawang pelikulang sinambut Oscar, a pikabalwan dili king kayang disenyu da reng title sequence ampong poster da reng pelikula, ampo deng logo da reng kumpanya.

Kilub ning karera nang apat a pulung (40) banwa, megobra ya i Bass para kareng mapilan kareng pekasikat a talagawang pelikula ning Hollywood, antimo di Alfred Hitchcock, Otto Preminger, Billy Wilder, Stanley Kubrick ampong Martin Scorsese. Kayabe ya kareng pekasikat nang title sequence ing kikimut a ginupit a papil (animated paper cut-out) ning takde ning adik king heroin para king pelikula nang Preminger a The Man with the Golden Arm, nung nu deng credit pupulayi la ketang kaybat maging matas pangakwa (high-angle shot) ning skyscraper king North by Northwest nang Hitchcock, ampo ing sulat a e tuglung-tuglung (disjointed text) a pupulaying abe-abe ampong mikakawani king Psycho.

Dinisenyu nong Bass deng kapansin-pansin logo da reng kumpanya king Pangulung America, kayabe ne ing kampana ("bell") a logo ning AT&T anyang 1969, ampo ing "globe" logo ning AT&T anyang 1983 kaybat nang misalbag ning Bell System after the kaybat nang misalbag ning Bell System. Migdisenyu ya mu namang "jetstream" logo para king Continental Airlines anyang 1968 ampong "tulip" logo para king United Airlines anyang 1974, a meging metung kareng pekakilalang logo ning industria da reng airline king panaun a ita. Dininan neng dangalan ning Google i Saul Bass kapamilatan ning pamamili kaya king Google Doodle anyang Mayo 8, 2013.[1]

Dalerayan

[mag-edit | alilan ya ing pikuwanan]
  1. ↑ Google Doodle. Archived from the original on 2013-05-10. Retrieved on 2013-05-08.

Karagdagang babasan

[mag-edit | alilan ya ing pikuwanan]
  • Kirkham, Pat and Jennifer Bass (2011). Saul Bass: A Life in Film & Design. London: Laurence King. ISBN 978-1-85669-752-1.
  • Tomislav Terek (2001). Saul Bass on Titles: Film Titles Revealed. Defunkt Century. ISBN 1-903792-00-2.

Suglung palwal

[mag-edit | alilan ya ing pikuwanan]
Ing Wikimedia Commons atin yang mediang maki kaugnayan kang/king:
Mekua ya king "https://pam.wikipedia.org/w/index.php?title=Saul_Bass&oldid=306641"