Jump to content

Sayote

Ibat king Wikipedia
Sayote
Ing búnga ning sayote
Ing búnga ning sayote
Scientific classification
Kaarian: Plantae
(unranked) Dicotyledonae
(unranked) Cucurbitales
Orden: Cucurbitales
Familia: Cucurbitaceae
Genus: Sechium
Species: S. edule'
Binomial name
Sechium edule
L.

Daléráyan[mag-edit | alilan ya ing pikuwanan]

Ing sayote (Sechium edule), a chayote, mirliton ampóng choko king Inglis, tanáman yang kakanan a kayábé king familia Cucurbitaceae. Minúná déng ténam king Kalibudtang America, king pílatan ning Mexico ampóng Honduras, nung nú ing pékamaragul a genetic diversity atiu king Mexico ampóng Guatemala.[1] Métung ya karéng pámangan a ákilála da réng áliwâ úli ning Columbian Exchange. Úli na níti, míyábé ya karéng lútú da réng áliwang dáké ning Latin America ampó réng áliwá nang dáké ning yátu.

Kéraklan, lulútú dé ing búnga ning sayote. Balámu culubása ya nung lulútú ré; maralas bagyá dé mú lulútû bá yang malutung. Malyári yang idagdag ing sagíwang sayote king salad o salsa; maralas babábad dé king katas ning lemon o daláyap, ónéng néng káyi sasabian dang é ya masanting a lása ó masyas ya. Lútú ya man ó alî, masanting yang pikukuánan vitamin C.

Bukud king búnga na ning sayote, a yá mung bálu dang kakanan déng áliwâ, kakanan, da lá murin déng yamut, tangké, bulung o talbus. Kakanan da la anti réng patátas déng tuber ning sayote, kábang kakanan da la king salad ó piprítu déng súli ó bulung, lálú na king Asia.

Daléráyan[mag-edit | alilan ya ing pikuwanan]

  1. León, Jorge (2000). Botanica de los cultivos tropicales (in es). Agroamerica, 166–168. ISBN 978-92-9039-395-5.