Space Invaders

Ibat king Wikipedia
Lundag ka king: pamaglibut, paintunan
Space Invaders
Mikudta Taito Corporation
Mibulalag Midway
Migdiseniu Tomohiro Nishikado
Platform Arcade
Petsa ning pamaglual June 1978[1]
Genre(s) E kikimut a mamaril
Mode(s) Single-player
Input methods Joystick (Japanese release), o aduang motion button (American release), metung a fire button ampong aduang start button

Ing Space Invaders (スペースインベーダー Supēsu Inbēdā?) metung yang arcade video game a diniseniu nang Tomohiro Nishikado, at pepalual da aniang 1978. Minuna neng gewa at pisali ning Taito king Japan, at kaibat milisensia bang magawa king Estados Unidos lalam ning Midway division ning Bally. Ing Space Invaders metung ya kareng mumunang pialung a videong barilan at atin yang two-dimensional graphics. Ing sangkan king pialung yapin ing pamaniambut kareng dakal a pakalupung a alien kapamilatan ning ion cannon, at sumambut dakal a puntus. Diniseniu neng Nishikado ing pialung king lalam ning inspirasiun ding sikat a media: ing Breakout, The War of the Worlds, ampong Star Wars. Ba neng arian, migdiseniu yang pasadiang gamit a pamialung ampong kasangkapan a pagdiseniu.

Lipat ning simpli ya cumpara kareng pialung ngeni, iti ing metung kareng penibatan ning modernung pialung a video, at sinaup ya ba yang paragulan ing industria da reng pialung a video manibat king bayung usu paras king pangyatung industria. Aniang minuna yang linual, ing pialung ing meging sangkan ning pamagkulang kareng perang tia-100-yen. Aniang 2007, miras nang US$500 miliun ing penakitan ning Taito kaya. Agpang king Guinness World Records, ini ing manimunang pialung a pang-arcade.

Ing pialung ing meging inspirasiun para kareng aliwang pialung a video, mekatapilan de pepalual kareng dakal a plataporma, at dakal ya meging katuki (sequel). Peparakal nong mekatapat (quadruple) ning 1980 Atari 2600 deng pamaniali king pialung, at megi yang mumunang "killer app" para kareng video game console (pipamialungan video game). Binggit de ampong gewang biru ing Space Invaders kareng dakal a game show king telebision, at megi ya muring dake da reng exhibition da reng video game ampong pangcultura. Ing maka-pixel a kalaban na megi yang media icon a mangabaldugan kareng video game.

Lon la murin


Dalerayan

  1. Cite error: Invalid <ref> tag; no text was provided for refs named GS-SI-Hall

Suglung palual