Stuart Sutcliffe

Stuart Sutcliffe
Mibait	23 ya ing Junio 1940 Edinburgh, Edinburgh, Escocia (Scotland)
Mete	10 ya ing Abril 1962 (edad 21) Hamburg, Albugang Alemania
Kapanintunan/propesion	Pintor, mosicus
Kapareha	Astrid Kirchherr (micompromiso 1960)

I Stuart Fergusson Victor Sutcliffe (23 ya ing Junio 1940 – 10 ya ing Abril 1962) métung yang Escocés (Scottish) a pintor ampóng mosicus a píkabaluan díli antimóng múmúnang guitarrista bajo (bass guitarist) ning the Beatles. Mékó ya i Sutcliffe king banda ba yang magpursigi king kayang carera antimóng pintor, úling báyu iti mégáral ya king Liverpool College of Art. I Sutcliffe ampo i John Lennon ing páramlan dang ménimbéntu king lagyung "Beetles" (sic), úling paréu déng burí ing bándá nang Buddy Holly, ing the Crickets. Maburí la múrin karéng lagyú da réng grúpung adwá kabaldúgan (antimó ing Crickets, a mángabaldúgang insectu ampóng pásiknangan ó sport), anya áísip néng Lennon ing "The Beatles", ibat king beat (ónéng ing orihinal nang pámaniulat Lennon "Beatals") ya. Antimóng kayánib ning grúpu anyang limá ya miembru, métung ya i Sutcliffe karéng áusan dang "Fifth Beatle".