The Crowded Room

Ibat king Wikipedia
The Crowded Room
Genre
Created byAkiva Goldsman
Developed byTodd Graff
Starring
Composer(s)Trevor Gureckis
Country of originUnited States
Original language(s)English
No. of seasons1
No. of episodes10
Production
Executive producer(s)
  • Arnon Milchan
  • Yariv Milchan
  • Michael Schaefer
  • Kornél Mundruczó
  • Suzanne Heathcote
  • Alexandra Milchan
  • Tom Holland
  • Akiva Goldsman
Producer(s)Kata Wéber
Editor(s)
  • Christopher Rand
  • Kevin Birou
  • Dávid Jancsó
Cinematography
  • Ksenia Sereda
  • William Rexer
Running time38–56 minutes
Production company(s)
Broadcast
Original channelApple TV+
Original runJuniu 9, 2023 (2023-06-09) – Juliu 28, 2023 (2023-07-28)

Ing The Crowded Room metung yang Amerikanung thriller sikolohika at miniseryeng pangtelebisyun a pikatsa nang Akiva Goldsman at miyapsi ibat king 1981 nobelang non-fiction The Minds of Billy Milligan a sinulat nang Daniel Keyes. I Tom Holland, Amanda Seyfried, at i Emmy Rossum ilang manimuna karing pesiganap kambe da ring kasaup dang cast a bibilugan da ri Sasha Lane, Will Chase, Lior Raz, Laila Robins, at i Henry Eikenberry.[1]

Iting serye tutukian ne ing kwentu nang Danny Sullivan (Holland) kaibat nang mesukul uli ning pangasangkut na king metung a barilan king New York City iniang 1979. Sasalese neng Danny ing talambie na kambe da ring serye ning pamitalamitan na kang Rya Goodwin (Seyfried), metung a interogador, at masusi nang inapse kang Rya, at karing manalbe karela, ing mabutiltil nang milabas a mitake kaya king makapangablad a kabilyan. King pamaniaglaue nang Danny dikil king meging bie na, apiisip ne ing kayang milabas, at mapilang salelayan a penandit na niti, katataulian iti migdala kaya ban mibusni ya ing metung a makapanibayung-bie a pahayag.

Iniang ka-9 ning Hunyo, 2023, ing The Crowded Room migpremiere ya kambe da ring mumunang atlung dangka o episodes king Apple TV+. Balang metung karing mitukituking pitung dangka linual la balang paruminggu angga kanitang ka-28 ning Hulyo, 2023.

Ding Pesiganap[mag-edit | alilan ya ing pikuwanan]

Ding Manimuna[mag-edit | alilan ya ing pikuwanan]

  • Tom Holland anting Danny Sullivan, metung a tauan a menalumpakan kang Billy Milligan
  • Amanda Seyfried anting Rya Goodwin
  • Sasha Lane anting Ariana
  • Will Chase anting Marlin Reid
  • Lior Raz anting Yitzak Safdie
  • Emmy Rossum anting Candy Sullivan

Ding Daralo[mag-edit | alilan ya ing pikuwanan]

  • Emma Laird anting Annabelle
  • Thomas Sadoski anting Matty Dunn
  • Levon Hawke anting Jonny
  • Sam Vartholomeos anting Mike
  • Christopher Abbott anting Stan Camisa
  • Jason Isaacs anting Jack Lamb
  • Zachary Golinger anting ding mainsak a Danny Sullivan at Adam Sullivan
  • Laila Robins anting Susie
  • Henry Eikenberry anting Doug
  • Henry Zaga anting Philip
  • Carmen Ejogo anting Patricia Richards

Ding Dangka[mag-edit | alilan ya ing pikuwanan]

Template:Episode table

Kalalangan[mag-edit | alilan ya ing pikuwanan]

Ing Kaunlasan na[mag-edit | alilan ya ing pikuwanan]

Iniang Abril 2021, apibalak nang Akiva Goldsman ing isulat ne para king Apple TV+ ing The Crowded Room, metung a antolohiyang seryeng pantelebisyun a maki-apulung dangka nung nu ing kamumulan na niti metung yang adaptasyun ning nonfiction a nobela nang Daniel Keyes, ing The Minds of Billy Milligan. Apiyari na mu naman Goldsman ing ilalang ne iting serye king kayang kumpanyang Weed Road kayabe no keti ri Tom Holland, Alexandra Milchan kambe ning EMJAG Productions, ilang Arnon Milchan, Yariv Milchan at Michael Schaefer kambe ning New Regency. Ing mumunang dangka mipasinaya yang menalumpakan ibat king personal nang pamibiebie Goldsman at minapsi ya naman katingiran king nobela nang Keyes. Mitutukan ya i Kornél Mundruczó ban magdirek king mumunang dangka at migsilbi ya naman anting executive producer kayabe nang Suzanne Heathcote. Ding pesisulat king mumunang dangka ila pin ri Akiva Goldsman, Henrietta Ashworth, Jessica Ashworth, Suzanne Heathcote, Cortney Norris at i Gregory Lessans.[2]

Ing Pamitalaga karing Talaganap[mag-edit | alilan ya ing pikuwanan]

Antimurin iniang Abril 2021, mitalaga ya i Holland king lead role ning mumunang dangka, iniang mumuna kapaniualan dang ya ing ganap anting Billy Milligan, dapot katataulian mipabal metung yang tauan a makilagyung Danny Sullivan (a makasalig pa mu rin kang Milligan). Agpang kang Goldsman, i Holland yang "pekamumuna at bukud diling" lepitan na ban ganap kang Danny.[3] Iniang Pebrero 2022, miragdag la karing talaganap di Amanda Seyfried, Emmy Rossum, Will Chase, Sasha Lane, Christopher Abbott at iEmma Laird.[4][5] Iniang Mayo naman, mekiagum la ri Jason Isaacs at i Lior Raz karelang talaganap.[6]

Ing Pangapelikula[mag-edit | alilan ya ing pikuwanan]

Ing ludaying pasinaya na niting serye migmula kanitang ka-31 ning Marso 2022 karin king New York City. Metung ya ing NBC Studios karing lugal a pipagludayan, iti makasaut ya king bantug a 30 Rockefeller Plaza.[7] Meyari ya ing pamagludayi iniang ka-28 ning Setyembre, 2022.[8]

Ing Pangalabas[mag-edit | alilan ya ing pikuwanan]

Mipasinaya la ring mumuna nang atlung dangka ning The Crowded Room iniang ka-9 ning Hunyo, 2023 at ding katuking dangka mibastag la tia-metung balang paruminggu angga iniang ka-28 ning Hulyo.

Ing Pamananggap ning Malda[mag-edit | alilan ya ing pikuwanan]

Belita ne ning websayt ning review aggregator a Rotten Tomatoes ing 33% approval score kambe na ning average rating a 4.8/10 agpang karing 49 a reviews. Agpang king pamisangsiwala na ning metungge websayt, "Ing The Crowded Room bibilangan de ring talentung e pasubali at mitatag king pasinayang mipnung katuparan, dapot ing istorya na pupulandit yang durutdurut, a meging sangkan ning kayang kasangilan at madalas makabansung karanasan."[9] Ing Metacritic, a mengitangka agpang king weighted average, dinuang ne ing puntos a 48 ibat king 100 agpang karing 26 a kritiko, a mesambitlang "mixed or average reviews".[10]

Ding Sitas[mag-edit | alilan ya ing pikuwanan]

  1. ↑ 'The Crowded Room': Ing Mumunang Saglaue kangTom Holland at Amanda Seyfried king Apple TV+ Limited Series (TV News Roundup) (2023-04-07).
  2. ↑ The Crowded Room (Nobyembre 10, 2022).
  3. ↑ 'The Crowded Room' changed how Tom Holland views his mental health (en).
  4. ↑ Emmy Rossum To Play Tom Holland's Mom In Apple TV+ Anthology Series The Crowded Room.
  5. ↑ The Crowded Room: Sasha Lane, Christopher Abbott, Emma Laird Round Out Cast Of Apple TV+ Anthology Series.
  6. ↑ Jason Isaacs & Lior Raz Join Tom Holland In The Crowded Room Apple Anthology Series.
  7. ↑ The Crowded Room Filming Locations (2023-) (en-US) (2023-05-12).
  8. ↑ Tom Holland Spotted With '70s-Style Hairstyle & Clothes Filming The Crowded Room — See Photos (April 1, 2022).
  9. ↑ Ing review na ning Rotten Tomatoes dikil king "The Crowded Room"
  10. ↑ Rating na ning Metacritic dikil king "The Crowded Room"

Susug Kilual[mag-edit | alilan ya ing pikuwanan]

Mekua ya king "https://pam.wikipedia.org/w/index.php?title=The_Crowded_Room&oldid=297866"