Thomas Beecham

I Beecham anyang 1948

I Sir Thomas Beecham, 2nd Baronet (29 ya ing Abril 1879 - 8 ya ing Marzo 1961) métung yang Ingles a director ning orquesta (conductor) ampóng impresariong píkabaluan díli úli ning kayang kaugnáyan karéng orquesta ning London Philharmonic ampó king Royal Philharmonic. Malápit yá múrin kaugnáyan karéng orquesta ning Liverpool Philharmonic ampóng Hallé. Manibat anyang múmúnang dáké ning kadwang púlung síglu, maragul ya influencia i Beecham king bié nang musical ning Britania, at, agpang king BBC, ya ing múmúná nang internacional a director ning orquesta ning Britania.