Tony Bennett

Ibat king Wikipedia
Tony Bennett

Tony Bennett at the Chumash Casino Resort, Santa Ynez, California, 2005
Background information
Lagyu pangabaitAnthony Dominick Benedetto
Tinduk ning tigtig (Genre)Traditional Pop
Jazz
Banwa nung kapilan aktibu1949–present
Marka ning talaplakaColumbia
MGM
Improv
Legacy Recordings
Karinan-Aptas (Website)Official Tony Bennett music website

I Tony Bennett (born Anthony Dominick Benedetto; August 3, 1926) metung yang talakantang Americanu ning musicang pop, standards ampong jazz.

Meragul ya king New York Lakanbalen i Bennett, at malati ya pamu, magkanta ne. Linaban ya aniang mayayari ne ing Kaduang Gerang Meto Yatu antimong infantryman king U.S. Army keng Gera king Europa. Kaibat, meyalkus (developed) ya ing istilu na king pamagkanta, pinirma yang contrata king Columbia Records, at linual ya ing minuna nang kantang mig-number one aniang 1951, ing "Because of You". Mitukian ya pa iti kareng aliwang sinikat a hit aniang decadang 1950, antimo ing "Rags to Riches". Lalu yang meging maleparan ing saklo ning kayang pamagkanta, at liban ne murin ing pamagkantang jazz. Miras ya king metung a taluktuk ning kayang carera aniang tauli nang dake ning decadang 1950 kapamilatan da reng album antimo ing The Beat of My Heart and Basie Swings, Bennett Sings. Kanitang 1962, mibulalag ya ing kayang "signature song", ing "I Left My Heart in San Francisco". Kaibat na niti, limbug yang maluat ing kayang carera ampong bieng personal aniang kasikatan ning panaun ning musicang rock

Mika makapagmulala yang pamagbalik ing carera nang Bennett aniang tauli nang dake ning decadang 1980 ampong decadang 1990, at migpalual yang pasibayung album a gold record at melapad la reng kayang makiramdam kareng ibat king MTV Generation, kabang menatili ya ing kayang istilo king musica. Angga ngening kapanauanan a 2000, sikat ya pa murin at pupurian da reng criticu antimong metung a talakantang mag-record ampong lalage kareng conciertu. Sinambut neng labing limang Grammy Award ampong aduang Emmy Award i Benett, at mirinan yang galal antimong NEA Jazz Master ampong Kennedy Center Honoree. MIras nong 50 miliun deng apisali nang plaka king mabilug a yatu. Metung ya muring seriosu ampong biasang pintor, at maglalang yang obra lalam ning lagiung Benedetto, a makapakit kareng miayaliwang institucion.

Lon la murin deti

Dalerayan

Suglung palual

Template:EmmyAward VarietyPerformance 1976-2000 Template:Great American Songbook