University of La Salette
| Motto | Reconciliare (Reconciliation o Pamikasundung Pasibayu) |
|---|---|
| Mitátag | 1951 |
| Uri | University a Catolicu |
| Pamuntuk | Rev. Fr. Romeo B. Gonzales, M.S., Ph.D. |
| Lugal | Santiago Lakanbalen, Filipinas |
| Imno | "ULS Hymn" |
| Website/Karinan-Aptas | http://www.lasalette.edu.ph |
Ing University of La Salette metung yang institusion ning matas a pamagaral king Santiago Lakanbalen, Filipinas. Metung ya kareng masanting dili
Inutusan nong Msgr. Constance Jurgens, a kanita Arzobispo ning Tuguegarao, Cagayan, deng Missionaries of Our Lady of La Salette bang mitatag pipagaralan a makibat king masipit a pamangailangan da reng memalen ning Isabela, at tinikdo de ing La Salette of Santiago, metung a escuelang secundaria, aniang 1950. Uli ning daragul a pamangailangan king matas a pamgaral, mitas ya king uring colegiu iting institusion kasaup la reng madreng Maryknoll. Aniang 1957, i Rev. Fr. Jose R. Nacu, M.S., ing mumunang misonariung Filipino ning Our Lady of La Salette, a me-ordinang pari king Fall River, Massachusetts, ing meging mumunang Rector a Filipinu ning La Salette of Santiago College. Kalabas ning panaun, aniang 1998, megi yang universidad ing La Salette of Santiago lalam ning pamanibala nang Rev. Fr. Romeo Gonzales, M.S., Ph.D.
Kabalitan ya king charism Reconciliation o Pamikasundung Pasibayu (Reconciliare) ing sentrung complex ning University of La Salette king Santiago Lakanbalen, a maki suglung a campus (extension campus) king Silang, Cavite. Mirarasan ya king kayang serbisiu ing maleparan a mauli (south) nang dake ning lalawigan ning Isabela, nung nu ating suglung a tanggapan (extension offices) kareng miayaliwang balen para kareng kursung pangkaleldo (summer courses).
King salukuyan, titikdo re ing University Hospital, metung a ospital a katlung balitang (tertiary hospital) a maki budget a anam a ralang miliun (600 million) a pesus, anting pakibat king daragul a pamangailangan king pamaningat king kabulasan (health care).