User talk:Val2397/Archive 2

Likas king Kapampangan

K. Val, panupaya mu, ngeni ke pamu ikit iti. Ing balu ku pin, "bungu" ya ing "skull" at "kalanse" ne man ing "skeleton." Ing "muscle" neng kayi "kalamnan" ing bibye rang katumbas, pero balamu atin ne mang aliwang kabaldugan iti. Lon keng pasibayu. Anta ing "matter" nanu ya? Ustu ya ing "sangkap" o "pekasangkap"? Anta ing "advocate" (verb),"approach" ampong "focus"? Keta atang "advocate" balamu Tagalug ya ing "itaguyod. Katimawan2005 18:40, 7 March 2008 (UTC)

Salamat, K. Val. Masanting ya pin sigurung gamitan ing "guyud"; mapalyaring "guguyud" ya ing "advocate." (anta ing "gugusal" makanyan ya murin kabaldugan?)

Ing "approach" naman ginamit ke ketang bayung artikulu king "Nanotechnology": "Two main approaches are used in nanotechnology." Nanu king palage mu ing masanting a gamitan a pamisulat o spelling para kaniti? Yaku tikyan ku ne mu itang orihinal a Inglis, ing "nanotechnology." King palage ku, mas bage yang gamitan ita kesa ketang king Tagalug Wikipedia, nung nu re gewang "Nanoteknolodyi" iti.

Aliwa ku salabat, mekagawa na ka palang bot. Pagmananuan daka, aparakal ta no kanyan deng artikulu tamu. Bisa ku muring manigaral kaniti. Nanu ing masanting a pikuanan (ini ing gagamitan mu king reference?). Katimawan2005 10:36, 8 March 2008 (UTC)

Bot, nanotechnology at pamaglikas, ampong pamangawang artikulu

Salamat, K. Val kareng kekang pamipalino. Mamayun ku ketang mas bage yang ituki na pa king Inglis ing kataya nung ita na ing kilala, kesa ketang ibayu ta ya pamu pamagkulit, alimbawa pin ing naotechnology vs. nanoteknolodyi. Balamu kareng "y" ampong "w" lupa yang mas matatanggap ing "y" kesa king "w." Nanupata, balamu dakal, agiang kareng gagamit na king "y" at pati king "w," ing e ra buri itang miyabe-yabe la reng atlung consonant, alimbawa ing "lwal" o "lwid." King kasung anti kanita, mas katanggap-tanggap ya ing "lual" o "luid." Dapot kailangan ta lang turu deng kayanakan, uling sane lang mamasang Tagalug deti, at ing "lual" neng kayi agkas de antimong "lu-al," at ing "luid" naman magi yang "lu-id," a antimo king Tagalug.

Abanggit ke itang bot uling atin yang sasabyan a article creation bot itang kasabi mu king babo.

Tungkul king pamangawang artikulu, bilib ku pin king sipag mu king pamangawang kareti. Dapat ya ping dinan oras iti. Keraklan kasi, magigisan king obra ampong aliwang bage ing oras. Ala kung kuneksiun king Internet/Aptas king obra man o king bale, balamu makasaup king bale.

Wa pin pala, masanting at apangawa mo palang bayung artikulu deng kekatamung rocker a Kapampangan. Katimawan2005 14:37, 14 March 2008 (UTC)

Muscle atlwp.

Luid K. Val, Kitang me ketang aldo ing katumbas na king Kapampangan ning 'muscle,' at apikasundu tamung 'laman' ya o 'kalamnan'. Nanupata, aisip kung kailangan ta ya muring ilikas ing 'organ,' 'tissue,' 'organelle' atlwp. Ing 'internal organ' king palage ku 'laman lub' ya, dapot makananu la retang aliua? Pota mabaligo la reng mamasa kareng artikulu tamu king biology.Ita murin palang 'sangkap' kukutang ku nung malyari ya king 'matter'. Oneng makananu mu naman palang sabiang 'substance'? Pota magkasakit tamu o mabaligo nung e la malino deng kekatamung katumbas kareti. Katimawan2005 07:09, 19 March 2008 (UTC)

Aliwa pang katumbas

Luid K. Val, sinulat mu: Keng palage ku, ing muscle ing gamitan ing laman. Ing organ ampong internal organ- laman lub. Ing substance naman maging yang kalamnan. Ing matter ing pekamalapit a aisip ku iyapin ing bage. Pakibat ku: Ini pin siguru ing tukian tamu. Mupin, ketang "matter," ing amanuan ku, ing matter a mangabaldugang "substance" anti ing pangagamit king chemistry, alimbawa "Chemistry is the study of matter." Isipan me murin - keta kasing "bage," malyari me muring tutunggen ing "object" o "thing" king Inglis; ing amanuan tamu keti, itang material a bibilug king metung a bage - alimbawa ing tansu (matter) nung nu ya gawa alimbawa ing metung a kalis o caliz (bage o object).

Apansinan ku, aliwa la pala aus deng aliwang kataya kareng gagamitan mu, antimo ing "Balbiki", ing gagamitan mi "Balibul" o kaya "Barena" ya, ing "Putiukan" kekami "Tamumu" (Wasp) ya. Ing "Karpinteru", "Anluagi" ya. Val2397 02:18, 21 March 2008 (UTC) Pakibat ku: Tanggapan ta lang alternative (nanu ing Kapampangan na niti?) deti. Palage ku ing anluagi na ing gamitan tamu uling mas native (tubu) ya (pero atin ya palang "variant" iti, ing aluagi. Balu ke murin ing katayang ita, oneng itang metung ing ginamit ku uling mas balu re ngeni, dapot alang kasu ita. Keta namang "balbiki," atin yang pamiyaliwa kekami king "barena" iti. Ing "balbiki," ing "brace" (o "bit brace") ing kayang likas, kabang ing "barena" naman, "hand drill" ya (karetang "power tools" ala tang katumbas siempre). Ing balibul e ke balu - pangutang ku nung "(bit) brace" ya o "hand drill." Anti karetang minuna, maliari ta lang tanggapan dening adua, i-redirect ne mu o gawang alternative itang metung. Ing "tamumu" wasp ya murin kekami. Ing "putiukan" (o "pukiutan") metung yang uri ning "bee." Katimawan2005 17:54, 23 March 2008 (UTC)

Balibul

Ikit ke ing "balibul" king Bergano. Agpang kaya, "barreno" o "taladro" ing buri nang sabian niti. Ing ""bareno," "big drill" ya, kabang ing "taladro" naman, "drill" ing kayang kabaldugan. Sabian na naman ketang "Classic Kapampangan Dictionary" (Turla, Ernesto, 1999):

drill (n) (tool for boring) barena (vi) barenan, balibulan balibul (n) screw Verb: balibulan

Mapaliari ping mas tubu ya o "native" ing katayang "balibul." Mupin, e ya specific nung mangabaldugan yang "hand drill" (mas malati ya iti at gagana ya anti retang eggbeater a paganan king gamat, a mayayaus muring yang "barena") o nung "(bit) brace" ya iti (itang "balbiki" kekami, anti ketang gewa kung artikulu. Nung asiguradu tamu nung sanu, gawan ta yang synonym at a-redirect ta ya iti. Ita kasing "balbiki" ibat ya king "berbiqui" a Castila. Katimawan2005 22:13, 25 March 2008 (UTC)

Balibul 2

K. Val, Balamu ing lalto, pareu lang ustung katumbas king Kapampangan deng "balibul" ampong "balbiki" king "bit brace." Ita kasing "source" ku o pikuanan ketang "balbiki" ing tatang ku (atin keng bit brace king bale). Uli na niti, at uling atin nang sadiang artikulu (ita ping gewa ku), ginawa kung redirect page para king "balibul," at binayu ke ing artikulu ba lang pareung mabanggit deti. Masanting pin siguru pisabian ta la detang katayang e pareu para murin kareng maldang gagamit, ba yang makasaup karela, at e la mabaligo. Nung ating "variant," mapaliaring gawa tamu ping redirect ban'ta e mu metung ing maki representation king Wiki.

Metung yang alimbawa keti ing "bayabas" (itang title ning artikulu keni king K Wiki), a "biabas" ing aus mi. Makanian la murin siguru deng aliwang katayang e para-pareu: alimbawa itang metung a tanaman, "kansasaga" ya kekami, kabang "saga" ne man king bandang Mauli ning Kapampangan. Ing "malamarine" (o "dikut malamarine") naman kareng keraklan, "tutuklip" ya kanu kareng aliwa king Porac. Dakal lang katayang anti kaniti. Katimawan2005 12:38, 26 March 2008 (UTC)

Apansingan mu murin sigurung alilan kong ditak-ditak deng system messages. King palage mu pala, sanu ing mas masanting gamitan kareng system messages, ing "i-edit" o "ibayu" (ing amanuan tamu keti, ing pamag-edit o pamagbayu king artikulu). Katimawan2005 12:38, 26 March 2008 (UTC)

Airport

Wa, ing "pisulapon" siguru ing makayagpang dili. Katimawan2005 12:12, 29 Abril 2008 (UTC)