VHS

Ibat king Wikipedia
Video Home System
VHS Logo

Ing VHS cassette manibat babo a maki ruler ba yang icumpara dagul
Media typeVideo recording media
EncodingFM on magnetic tape
Developed byJVC (Victor Company of Japan)
UsageHome video

Ing Video Home System,[1] a mas kilala king pamikuyad a VHS,[2] metung yang standard king pamagsimpan o pamag-record video tape a meyalkus aniang decadang 1970. Pepalual de king malda o publicu aniang kadua nang dake ning decada. Aniang tauli nang dake ning decadang 1970 ampong mumuna nang dake ning decadang 1980, bibilug ya king kapitna king gerang gerang VHS vs Betamax, a bandang tauli ya ing sinambut. Kayabe la kareng katangian ning VHS deng mas makabang oras ning pamagpatigtig, mas mabilis a pamag-rewind ampong fast forward, ampong mas simpling paralan ning pamagdala king tape o tape transport mechanism. Uli ning open standard king tecnologiang VHS, apaliari da ing tsarakal a pamangawa (mass production) a alang gastus king pamag-licencia..[3] Bandang tauli, ing VHS ing magtagumpe kareng format a video tape, at alagpusan no reng aliwang format da reng home tape aniang decadang 1990.

Aniang bandang tauli, mas masanting ing calidad da reng format a optical disc, at deti ing meging dominanti kareng film studio, at kaibat kareng tindahan, at bandang tauli kareng magpayarquilang video.[4] Aniang 2006, tinuknang ne ing America king pamagpalual pelicula king format a VHS, at minalis ya kareng aliwa, alimbawa DVD ampong Blue-ray. Aniang Deciembre 31 2008, pepalual ne ning VHS tapes, Distribution Video Audio Inc. of Palm Harbor, Florida, ing tauling maragul a gagawang pre-recorded VHS tapes, ing tauli nang truck da reng productu.[5]

Dalerayan

  1. "IEEE History Center: Development of VHS", cites the original name as "Video Home System", from an article by Yuma Shiraishi, one of its inventors. Accessed December 28, 2006.
  2. LA Times Article
  3. Lessons Learned from the VHS - Betamax War
  4. It's unreel: DVD rentals overtake videocassettes
  5. [1]

Suglung palual

Ing Wikimedia Commons atin yang mediang maki kaugnayan kang/king:

Template:Homevid