Volodymyr Zelenskyy
| Volodymyr Zelenskyy' | |
 I Zelenskyy anyang 2022 | |
| Mibait | 25 ya ing Enero 1978 (edad 45) Kryvyi Rih, Ukrainian SSR, Soviet Union |
|---|---|
| Kapanintunan/propesion | Pamuntuk, comediánti ampóng artista |
| Asawa | Olena Kiyashko (m. 2003) |
| Ának | 2 |
I Volodymyr Oleksandrovych Zelenskyy (míbait 25 ya ing Enero 1978) métung yang politicong Ukrainian a magsilbi antimóng kánam a pamuntuk ning Ukraine manibat anyang 2019. Sadyá yang comedianti ampóng artista.
Míbait ya king familiang Judio ning Ukraine i Zelenskyy, at méragul yang katutúbung mágsalitang Rúsu king Kryvyi Rih, métung a maragul a lakanbalén king Dnipropetrovsk Oblast king kalibudtang Ukraine. Báyú ya mig-artista, miyárí yang abogasia king Kyiv National Economic University. Kaybat, tikián né ing métung a caréra king comedy at lélangan né ing Kvartal 95 production company a gágawang pelicula, cartoons, ampóng palagé king television kayábé ya ing Servant of the People, nung nú ya línagéng pamuntuk ning Ukraine i Zelenskyy. Mípalagé ya ing serie manibat anyang 2015 anggang 2019 at taganang síníkat ya. Anyang Marzo 2018 ating partido political a paréu lagyú king palagé king television a lélangan da réng empleadu ning Kvartal 95.