Walter Reed

Walter Reed
Mibait	13 ya ing Septiembre 1851 Condado ning Gloucester, Virginia, Estados Unidos
Mete	23 ya ing Noviembre 1902 (edad 51)
Asawa	Emilie Lawrence (m. 1876)
Ának	Walter Lawrence Reed, Emilie Reed, Susie Reed (méampun a katutúbung Americanung anak)

I Walter Reed (13 ya ing Septiembre 1851 – 22 ya ing Noviembre 1902) métung yang doctor king U.S. Army a ménibálá anyang 1901 king grupung migpatutú king teoria ning doctor a Cubanong i Carlos Finlay a sínábing ing yellow fever kakálat né ning métung a species ning yamuk, at é kapamílatán ning derechung pámitagkílan. Úli na níting kabaluan sínúlung la réng báyung sangá ning epidemiologia ampóng biomedicina, at ing múmúna nang búnga yá pin ing pámaniundú na ampóng pángayárí ning óbrá na king Panama Canal (1904–1914) ning Estados Unidos. Sindú néng Reed ing óbrang inumpisán nang Finlay at pénibalán nang George Miller Sternberg, a méyáus "múmúnang bacteriólogo ning Estados Unidos".