Zoilo Hilario

Ibat king Wikipedia
Jump to navigation Jump to search

I 'Zoilo Sangalang Hilario metung yang Kapampangan watas.Metung yang zarzuelista, kritiko, talasulat prosa at poeta . Malapit neng kayabe-abe Crissot .

Talambie[mag-edit | alilan ya ing pikuwanan]

Mibait ya king San Fernando, Pampanga kanitang Hunyo 27, 1892 at meangu ya bie iniang Hunyo 13, 1963. Kilala yarin keng bansag nang Don Ilung . Menari yang abogasya at iniang kelambatan meing hukum at mambabatas. Talapagtatag ya caring mapilang institusiong mitaguyod qng kultura calupa ning “Amanung Kapampangan”, a metung a akademiang misubung qng pamagbayu ning ortograpiyang Kapampangang ampon ing panga-ating pambangsang wika king bansa.

Ding Kayang Kinudta[mag-edit | alilan ya ing pikuwanan]

Mekasulat ya king “Bayung Aldo” a metung dumingguang papel qng salitang Ingles. Maracal-dakal ya milimbag a koleksion ding keyang poesia antimo ing “Adelfas de la Lira Filipina” (Adelfang Filipinong Lira) ketang 1913, “Patria y Redencion” (Bansa at Kalayan) iniang 1914, “Himnos y Arengas” (Dalit at Pamagsalita) iniang 1968 at “Bayung Sunis” a pane ngan makasulat queng Kapampangan. Ang “Bayung Sunis” yang pamagpugue cari bayani at talasulat ning Pampanga. Kayabe murin qng aklat a ini ring pilang bilungan a makapatungkaul caring prinsipyo ning pamanyulat poesia, at pamanyaliksik tungkol qng alpabetong Kapampangang at Ortograpiya . Mekalikha ya rin mapilang dula calupa ning “Mumunang Sinta”, “Bandila Ning Filipinas” at “Ing Mapamatubu” (Ing Pating). Ing karaniwang tema ding gawa nang Zoilo ila ring tutuki: patriyotismu at kalayan, pamagtaguyod keng pambansang wika, pamagtangkilik caring lokal a industriya, kabilian da ring masa at kaulagan ding kababaihan. Iniang 1915, pepakilala ne ing “pambabaing tugma” (feminine rime) queng panulaang Kapampangan a inaus nang “Maladalit” o “sunis a sakdal” . Iti ing panga-atin nang rima caring tauling adwang silaba ning salita. Alimbawa caring keyang gawang anti-kaniti rima ya ing “Aus king Musa”.


Wiki letter w.svg Iti metung yang suli tungkul keng Kapampangan watas at malyari meng pasantingan, dagdagan, itulid o samasnan. Nung atin kayung kutang,
sulatan ye ing metung kareng mangasiwa i Val2397 03:57, 18 Juniu 2009 (UTC)

Makasaup ka king Wikipedia kapamilata'ning pamanalili na niti.