After the Day's Toil

Iting articulung iti menibat ya keng Inquirer makapetsa 10/07/2007

Ing pininta nang Vicente Alvarez Dizon, ing After the Day's Toil

Menila, Filipinas -- Kaibat ning limang dekadang pamanintun, deng pamilya nang Vicente Alvarez Dizon, ikit da ne ing pinta a menyambut at mika galal bilang mumunang dili king panginternational a ligligan inyang 1939 nung nu kayabe la ring bantug a Salvador Dali at Maurice Utrillo.

Ing obra maestra nang ning meangubie Dizon, "After the Day's Toil", a nung nu tauli deng ikit deng pamilya na inyang 1952 na dela re keng bangsa para keng "Philippine International Fair", atiu ngeni keng pibandian nang Dr. Rogelio Pine, metung a Filipinu cardiologist magdatun king New Jersey, USA.

Y Pine seli ne iti inyang 1980 kang Daniel Grossman na ning Grossman Gallery, nung nu iya seli na neman keng IBM New York inyang ing kumpanya memisali yang dakal a pinta inyang katataulian ning 1970's.

Y Dizon, na ning Universidad ning Filipinas, kanita "School of Fine Arts", pininta ne ing "After the Day's Toil" inyang 1936 bilang graduation thesis kabang atin yang postgraduate scholarship king Yale University king New Haven, Connecticut.

Inyang minuli ya, migdatun ya Malate, Menila at sindu na ing pamanuru na king UP, ing National Teachers' College, at aliwa pang pipagaralan.

Ibat kareng 79 a bangsa

Inyang 1939, y Thomas J. Watson, ing mitatag keng International Business Machines (IBM), mekaisip yang mitatag a ligligan a panginternational keng art king Golden Gate Exposition king San Francisco, California.

Peparala ne ing kayang pekakatawan, y Kevin Mallen, kareng 79 a bangsa mabilug a yatu para manintun makiabe.

King Menila, y Mallen pintalan ne y Dizon king kayang tuknangan king 1111 A. Mabini Street, para lawen ne ing "After the Day's Toil."

Y Mallen seli ne ing pinta para keng IBM kabud ikit ne, at pepakuadru ne at peparala ne United States.

Miyabe ya keng International Competition on Contemporary Art ning 79 a bangsa king Golden Gate Exposition.

Ketang maamlat a ligligan, ing "After the Day's Toil" menyambut yang mumunang galal kapamilatan da ring alal da ring malda. Ing pepalub ning Espanya kapamilatan nang Salavador Dali, menyambut yang pangadua, at ing pepalub ning United States pangatlu.

Ing pepalubg nang Utrillo eya menyambut.

Pacific Pamisanmetung

Ing makatatak keng menyambut a medalya ing mababasa: "Pisanmetung da reng bangsa keng Pacific iya ing kapigaganakan ning America at kapanibalan. Ing San Francisco iya ing pasbul papunta keng dayat malat nung nu durulang ya kareng bangsang a reti, inya ing Golden Gate International Exposition, inya aku matula keng pagtiwalan ing pamanibala. Nasa ining pamibulaglag keti yatu keng Pacific inyang 1939, taganang suyuan no ngan deng bangsa.--President Franklin D. Roosevelt"

Ing Golden Gate Exposition meganap ya king kapagmasusian ding aduang bayung tete ning San Francisco

Ing San Francisco-Oakland Bay Bridge at ing Golden Gate Bridge mibuklat la inyang Nobiembri 12, 1936 at May 27, 1937, pamitukituki.

Ing pamibulaglag menibat ya Pebreru 18 anggang Octubri 29 inyang 1939 at manibat Mayu 25 anggang Septiembri 29 inyang 1940.

Malate-kebaitan

Y Vicente Alvarez Dizon, anak neng Jose Sampedro Dizon ning Bacolor, Pampanga, at Rosa Carlos Alvarez ning Concepcion, Tarlac, mibait ya king Malate inyang Abril 5, 1905.

Ing matuang Dizon, metung yang graduate ning University of Santo Tomas inyang 1897, at metung yang landscape artist at botanist-agronomist na ning Bureau na ning Agriculture.

King kayang obra, mitutukan yang magobra kareng balen Capas king Tarlac, Magalang king Pampanga, at Cabanatuan king Nueva Ecija.

Ing anak a Vicente atin yang maranun a pamanigaral king Malate Primary School, at sindu ne ing kaduang antas a pamanigaral karing balen nung nu ing tatang na karin ya midistinu.

Ing tatang buri neng magaral medicina ing anak. Ing anak memintu ya at megaral ya king National University Colegiu ning Medicina inyang 1921-23.

Y Dizon kaibat linipat ya king UP School of Fine Arts, nung nu kinanwa ya limang banuang cursu at migraduate yang mikadiploma keng art inyang 1928. Kaibat ning graduation, meging yang mumunang diling artist-lecturer na ning Filipinas.

Iya ing mumunang Filipinung meyambut keng maulagang sholarship keng aliwang bangsa, kalupa na ning memye galal kaya a binye ning Federal Schools ning Art king Minneapolis, Minnesota.

King kayang sarili, megapply at mirinan yang scholarship king Yale.

Art education pioneer

Inyang minuli ya king kayang Indung Tibuan, y Dizon sindu na ing pamanuru, at mekilala ya bilang manimuna karas keng pamanuru keng art king Filipinas.

Penimunan na ing pamangamit taliri keng pamagpinta, inagkat deng ipakit at ituru ing bayung pamangamit at technique king Menila at Kalibudtarang Luzon.

Y Dizon meging yang kayanib keng faculty na ning UP Pipagaral na ning Fine Arts nung nu memye yang lisyun keng amlat na ning kalalangan (1940 anggang 1947), at king UP College of Education, nung nu memye ya naman lisyun keng kalalangan at pamisantingan kilub(1946-47).

Inyang 1938, mitulduan yang kayanib keng UP School of Fine Arts' alumni committee para masalasan ya. Metung ya naman artist at maamlat a pikutnangan na ning US Army, 5th Air Force Commandking Clark Field (Pebreru anggang Agostu 1945).

Ganap ya naman professor na ning kalalangan king Mapua Institute of Technology (1937-41).

War paintings

Ing panaun da ning guerra, y Dizon pasalikut nang tinala ing kayang bye a masakit ng delanan.

Aganap no ring 30 makule at makapanamdaman a guerrang pinta, nung nu pemansagan an lang "From Japanese Invasion to American Liberation, As My Brush Saw It."

Sinulat ya naman aduang aklat--"Art Education and Appreciation," nung nu melimbag ya iti, at ing "Living As An Art."

Y Dizon ayasawa ne y Ma. Ines Lutgarda S. Henson na ning Angeles, Pampanga.

Ing pamiabe ra mibinsiyunan lang apat a anak -- deng kambal Victor and Daniel, Luminoso at Josefina.

Y Daniel at Josefina (Josie) meging lang professional artists.

King maranun na ning 1947, kabang sasamasnan ne ing UP School of Fine Arts, y Dizon mesakit yang matindi.

Mete ya inyang Octubri 19 ning banuang ita king idad a 42.

Ing sinulat iyapin ing anak nang babaing Vicente Alvarez Dizon.

Kepampangan neng Val Sibal, Octubri 25, 2007 Val2397 00:42, 26 October 2007 (UTC)

Ding daleráyan

1. Vicente Alvarez Dizon Biography [1]