Agama (lupisak)

Ibat king Wikipedia
Jump to navigation Jump to search
Agama
Ing red-headed rock agama (Agama agama) king Kenya.
Ing red-headed rock agama (Agama agama) king Kenya.
Scientific classification
Kaarian: Animalia
Phylum: Chordata
Pinduan: Sauropsida
Orden: Squamata
Suborder: Lacertilia
Familia: Agamidae
Subfamily: Agaminae
Genus: Agama
Daudin, 1802
Species

See text.

Ing agama metung ya kareng mangalating lupisak a makaba iki at mamangan insektu a kayabe king genus a Agama. E la kukulang king 31 a species deng bibilug king genus da reng agama king mabilug a Africa.

Metung ya kareng kilalang diling species ing red-headed rock agama o agamang batung malutu buntuk (Agama agama), a makelatan (widespread) king Africa king mauli ning Sahara (sub-Saharan Africa). Anyang minuna, king savannah ya mabibye, dapot ngeni, mayayakit ya murin kareng balen ampong bariu. Abe-abe lang mabibye reng agama, a bibilug grupung manga apulu anggang adwang pulu. Ing "pekapun" o "leader" da reti, metung yang matwang lalaki, kabang kayanib no man deng bábai ampong ampong anak a lalaki. Matuling ya pangakomanggi (dark-brown) kule iti neng bengi, pero manaliwa la reng kule ning lalaking manimuna. Magi yang maputlang iro (asul) ing katawan, at masala ne man pangadalandan ing buntuk ampo ing iki. Malyari lang manaliwa deti basi king kundisiun o kabilyan ning lalaking manimuna. Alimbawa, nung milaban la reng lalaking agama, magi lang komanggi deng buntuk da, at ating laltong tuldik a maputi king king karelang katawan. Malilyari ing laban nung ating luntung dayung lalaking agama Subukan ne niting samsaman ing pamanimuna ning lalaking pekapun. Neng milalaban la, sasalitsti (“hiss”) la reti, a tuturan de ing buntuk ning kalaban da ketang karelang iki. Neng kayi, masyadu lang masikan o bayolenti deti, at mikakapasa (hematoma) la o balbal a panga deng kalaban da.

Laganas a komanggi ing kule da reng bábai. Maralas, ating matas diling babai, a malapit king pekapun a lalaki, at panikwanan nong idayu deng aliwang bábai.

Deng Species[mag-edit | alilan ya ing pikuwanan]

Deng makatuki ila reng species a kayabe king genus a Agama:

Ing agamang gabun (ground agama) (Agama aculeata) king Namibia.
Ing red-headed rock agama (Agama agama) king pader king Samburu National Reserve, Kenya.
Ing Southern Rock Agama (Agama atra) king asikan a malapit king Barrydale, Western Cape, Mawling Africa.

Pikuanan[mag-edit | alilan ya ing pikuwanan]

  • Manthey and Schuster. 1996. Agamid Lizards. T.F.H Publications Inc. U.S.A.

Suglung palual[mag-edit | alilan ya ing pikuwanan]