Al Bahah

Al Baha Lalawigan مدينة الباحة
Lalawigan	Al Baha
Gubyernu
- Principe	Muhammed Bin Saud
Populasyun (2004)
- Total	201,912

Ing Al Bahah (Arabic: الباحة) metung yang lakanbalen king maulingalbugan ning Saudi Arabia. Iti ing punlakanbalen ning Al Bahah Lalawigan atiu karing pilatan da ring resort da ring Taif at Abha, ing al Baha iya ing primerang turistang makayakit keng kaarian. Katamtaman ing klima at makapadurut yang maiggit apat a pulung gubat, kayabe ne ing Raghdan, al Zaraeb at Baidan. Deng bibisita king lugal gaagmit lang tren king al Sarat at mangapamulala la karing akakait at daramdaman da kareng makaleleng saug at bunduk o kaya tatakman dala reng bungang tanaman a tutubu karin, kayabe no reng dates, pomegranate, walnuts, ubas at [sagin]]. Deng Villages karin bantug la kareng mayumung honey. Ing Al Baha iya ing karinan da ring aduang maragul a tribu:Ghamid at Zahran. Ing Al Baha midake ya atlung dake:Sarah nung nu atin yang mangatas a bunduk at marimlarimlang [klima]] at matanaman ya uling mauran karin banuabanua. Ing Tehama dake nung nu iti atiu king bana at pampang at albugan ne ning Sarah nung nu mapali at malig=sangan ing klima at ditak ya uran. Ing katlung dake iyapin ing aslagang bulubundukin a atin katas a 1550 anggang 1900 metrus babo ning dayat malat a marimlarimlang winter at mapaling summer at ditak la reng tanaman.