Anne Rice

Ibat king Wikipedia
Lundag ka king: pamaglibut, paintunan
Anne Rice
Anne Rice.jpg
I Anne Rice anyang 2006
Talipampan Anne Rampling, A. N. Roquelaure
Obra Nobelista
Bangsa Americanu
Pipagaralan San Francisco State University
Genre Gothic fiction, horror, erotica, Cristianung piksyon, pantasya
Asawa Stan Rice (1961-2002, meangu bye)
Ának
Kamaganak
  • Howard O'Brien (tata)
  • Katherine Allen O'Brien (ima)
  • Alice Borchardt (kapatad)
  • Tamara Tinker (kapatad)[1]
  • Karen O'Brien (kapatad)[1]
  • Micki O'Brien Collins (kapatad)[1]
Opisyal a karinan-aptas
Portal.svg Literature portal

I Anne Rice[6] (mibait Howard Allen Frances O'Brien; Octubre 4, 1941) metung yang Americanang talasulat ning gothic fiction, kasulatang Cristianu, ampong erotica. Mapalyaring pikabalwan yang dili ing kayang sikat ampong maimpluwensyang serye da reng nobela, ing The Vampire Chronicles, a dudurut king manimunang tauan, i Lestat. Gewa ra nong pelikula deng adwang libru king The Vampire Chronicles, ing Interview with the Vampire: The Vampire Chronicles anyang 1994, ampo ing Queen of the Damned in 2002.

Meragul ya king New Orleans i Rice, nung nu ya menuknangan anyang kayang kayanakan, bayu ya minalis king Texas, at kaybat king San Francisco. Meragul ya king metung a relihyosung pamilyang Katoliku, oneng megi yang ateista anyang kayanakan yang atsu king idad. Migumpisa ing kayang karerang propesyonal king pamanyulat anyang milimbag ya ing Interview with the Vampire anyang 1976, kabang manuknangan ya king California, at megumpisa yang sinulat katuglung na niti anyang dekadang 1980s. Kanitang kalibudtang ning 2000s, kaybat ning kayang pikabalwan a pamanyubli king Katolisismu, linimbag nong Rice deng nobelang Christ the Lord: Out of Egypt ampong Christ the Lord: The Road to Cana, kwentung gewang piksyon da reng insidenti king bye nang Jesus. Pilang banwa kaybat, dinistansya ya king organisadung Kristyanismu, uling king e na pamanayun king pusisyun ning Pisamban kareng isyung pang-sosyedad, oneng pangaku nang makasentru ya pa murin ing kayang bye king kasalpantayanan king Dios.

Maygit nong 100 milyung kopya da reng libru nang Rice ing misali, at uli na niti, metung ya kareng pekasikat a talasulat a Americanu king bayung kasalesayang Americanu.[7][8] Lipat ning misamut ing reaksyun kareng mumuna nang obra, sinikat ya kareng kayang kritiku anyang dekadang 1980s. Malalam dong inanalisa deng istilu nang pamanyulat ampo ing kalamnan nang pangliteratura deng obra na deng komentarista king literatura. Asawa ne kilub ning 41 banwa ing poeta ampong pintor a i Stan Rice manibat 1961 anggang mete ya king kanser king utak anyang 2002 king idad a 60.[9][10] Adwa la anak Stan, i Michele, a mete king leukemia king idad a limang banwa, ampo i Christopher, a metung mu namang talasulat.

Bukud kareng nobela nang tungkul kareng bampira, sinulat ya mu naman aliwang libru i Rice anti ing The Feast of All Saints (mipalage king telebisyun anyang 2001) ampo ing Servant of the Bones, nung nu ya mibasi ing 2011 a seryeng pangkomiks. Megawa la mu namang komiks deng mapilang libru ning The Vampire Chronicles kapamilatan da reng aliwang talalimbag. Sinulat ya mu namang erotic fiction i Rice lalam ning talipampan a Anne Rampling ampong A. N. Roquelaure, kayabe ya ing Exit to Eden, a megawang pelikula ing pelikulang 1994.

Notes[mag-edit | edit source]

  1. 1.0 1.1 1.2 Cite error: Invalid <ref> tag; no text was provided for refs named Father_Obit
  2. 2.0 2.1 2.2 Rice, Anne. Essay on Earlier Works. AnneRice.com. Retrieved on 11 June 2012.
  3. 3.0 3.1 3.2 Rice, Anne. Anne's Chamber: Recommendations. AnneRice.com. Anne Rice. Retrieved on 11 June 2012.
  4. Cite error: Invalid <ref> tag; no text was provided for refs named Busted
  5. Cite error: Invalid <ref> tag; no text was provided for refs named Ferraro
  6. Bowman, John S. (1995). The Cambridge Dictionary of American Biography. New York: Cambridge University Press. ISBN 0-521-40258-1. 
  7. Anne Rice. FantasticFiction. Retrieved on 10 June 2012.
  8. PreachingToday.com & Christianity Today. PreachingToday.com & Christianity Today. Retrieved on 10 June 2012.
  9. Rice, Anne. Phone Message Transcript: December 9, 2002. AnneRice.com. Anne Rice. Retrieved on 10 June 2012.
  10. Stan Rice Obituary. Legacy.com. Retrieved on 10 June 2012.

Dalerayan[mag-edit | edit source]

  • Ramsland, Katherine (1991). Prism of the Night: A Biography of Anne Rice. New York: Dutton Penguin. ISBN 0525933700. 
  • Day, William Patrick (2002). Vampire Legends in Contemporary American Culture: What Becomes a Legend Most. Lexington: University Press of Kentucky. ISBN 0813122422. 

Suglung palwal[mag-edit | edit source]

Wikiquote-logo-en.svg
Ing Wikiquote atin yang coleccion da reng sinabi nang o mesabi tungkul kang/king:

Template:The Vampire Chronicles Template:Anne Rice novels