Balat

Ibat king Wikipedia
Lundag ka king: pamaglibut, paintunan

Ing balat ing takap da king kilwal deng animal. Maragul ing pamiyaliwa king balat da reng myayaliwang animal. Dakal a animal ing maki bwak o bulbul king karelang balat. Den namang ayup, maki bagyus (feather) la. Maki kaliskis no man deng asan ampo reng en:reptile anti reng ubingan ampong lupisak.

Keraklan, atin yang mangalating bwak a masákit akit ing balat da reng tau. Ating taung mas dakal bwak a mas malagwang akit, kabang atin namang mas ditak. Malyaring mas makaba ing bwak kareng aliwang dake ning katawan da reng tau, anti king babo ning karelang buntuk, o king balbas da reng lalaki.

Gagawan dong leather deng balat da reng aliwang animal. Ining balat (leather) a iti, gagamitan ya kareng sapatus, bag, ampong bola.

Malyari taya muring awsang balat itang makatakap kareng aliwang bage, nung makananu yang balat itang kareng animal. Marlas tamung sasabyang atin lang balat deng mansanas, sagin, ampo reng guleng antimo ing patatas.