Cavite State University

Ibat king Wikipedia
Jump to navigation Jump to search
Cavite State University
Tagline ... your gateway to a better future (ing kekang pasbul king mas masanting a paintungulan)
Mitátag 1906
Uri Publicu
Lugal Indang, Cavite, Filipinas
Palayo CvSU
Website/Karinan-Aptas www.cvsu.edu.ph
Ing Cavite king isla ning Luzon, Filipinas

Thomasite lang Americanu deng mitatag king Cavite State University antimong metung kareng mumunang intermediate school kanitang 1906. Atlu ya mung pulung (30) kilometru king mawli ning Menila iting pipagaralan, a meging Cavite State University kapamilatan ning Republic Act No. 8468 kanitang w:January 22 1998.

Amlat[mag-edit | alilan ya ing pikuwanan]

I C.E. Workman ing mumunang principal ning Cavite intermedite school kanitang 1906. Anyang 1915 ya mika minunang principal a Filipinu, i Mariano Mondero. Ing didinan dang ulaga kanitang mumuna ing vocational a agricultura para kareng lalaki, at obrang bale kareng babai. Megi yang "Indang Farm School" ing lagyu ning pipagaralan kanitang 1918.

Anyang merakal la reng magaral, meragul ya ing pipagaralan kapamilatan ning donaciun dang gabun deng manimunang memalen ning Indang, kayabe ne i Don Severino delas Alas, a Kalihim da reng Pisasabyang Pangkilub (Secretary of the Interior) king gabineting Aguinaldo, ampo i Francisco Ocampo. Miyalilan ya lagyu ing escuela, at megi yang Indang Rural School, anyang i Simeon Madlangsacay ing manungkulan. Mumuna yang miyampang cursung pang-matas a pipagaralan (secondary) kanitang 1923, at w:Home Economics kanitang 1927.

Antimong pamangilala king kayapan na pilubluban (generosity) Don Severino delas Alas "king comunidad (balen), king lalawigan ning Cavite ampo king bangsa", elilan neng Don Severino National Agricultural School ing lagyu na niting pipagaralan kanitang 1958 ning Congresu. Menatili yang anti kaniti ing kayang lagyu angga kanitang 1964, anyang megi yang colegiu ning estadu (state college), agpang king Republic Act No. 3917. Lalam ning leying iti, mirinan yang sariling w:charter ing pipagaralan, at meyaus yang Don Severino Agricultural College (DSAC).

Ketang 2002, misanib la king Cavite State University deng Cavite College of Fisheries (CACOF) king Naic, ampo ing Cavite College of Arts and Trade (CCAT) king Rosario. Mibuklat ya naman ing campus king Cavite Lakanbalen, at mipirman ya ing metung a Kasulatan ning Pamikasundu (Memorandum of Understanding o MOU) para king pamanikdo ning campus king Carmona.

Suglung a palwal[mag-edit | alilan ya ing pikuwanan]