Computer

Ibat king Wikipedia
Ing Columbia Supercomputer, a atiu king NASA Ames Research Center.

Ing computer metung yang maquinang manibala o mag-procesu king informacion o data agpang king grupu da reng utus o instruction.

Lipat ning atin nang computer a mechanical o gawa kareng kikimut a dake king keraklan king kasalesayan ning tau, meyalkus la reng minunang computer a electronico aniang kalibudtan ning kaduang pulung (20th) dilanua o siglu (1940–1945). Kasindagul de reti ing maragul a cuartu, at ing gagamitan dang curienti, katumbas ning pilan dalang modernung personal computer (PCs).[1] Mipagiu la king relo deng simpling computer, at maliari nong paganan ning bateria ning relo. Anti nong sagisag o icon ning Panaun ning Informacion deng miyayaliwang uri da reng personal computer, at ilang isipan da reng tau neng isipan de ing "computers". Nanupata, deng embedded computer kareng miyayaliwang gamit, manibat kareng MP3 player angga kareng eruplanung pang-gera, ampo kareng pialungan angga kareng robot a pang-fabrica, ilang dakal dili.

Magamitan la ampong dakal agagawa deng computer uling king kagiwan dang manyalikut ampong papaliari kareng listaan o tala da reng utus o instruction, a ausan dang program, at ini ing pamiyaliwa da kareng calculator. Metung yang pamipahayag o pamaniabi king amanu ning matematica ning kagiwan a iti ing Church–Turing thesis: ing balang computer a maki mituldung kagiwan, agpang king patakaran a iti, agiu nang daptan ing obrang maliari nang gawan ning aliwang computer. Uli na niti, deng computer, manibat king cellphone angga king supercomputer, agiu rong daptan deng pareu-pareung obrang pang-computer o pang-cuenta, nung mirinan lang ustung panaun ampong ustung lugal a pirinan informacion.

Lon la murin

Notes

  1. Aniang 1946, tatantiang dang manga 174 kW ing gagamitan ning ENIAC. Nung icumpara tamu, manga 30 W ing gagamitan ning modernung computer a laptop, o anam a libung ukdu o besis a mas ditak. Makapag-procesu yang biliun biliun dapat o operation balang segundu ing modernung "commodity" microprocessor (aniang 2007), at misna la ka-complicadu ampong magamitan deti kesa kareng minunang daraptan dang operation deng minunang computer. Intel® Core™2 Duo Mobile Processor: Features. Intel Corporation. Retrieved on 2009-06-20.

Dalerayan

Suglung palual

Manakit kang karagdagang impormasiun tungkul king Computer kareng kapatad nang proyektu ning Wikipedia:
Kabaldugan king diccionariu
Aklat
Quotations
Kasulatan a dalerayan
Larawan ampong media
News stories
Learning resources