Dakal Pang Balita Agostu 09

Ing labuad Kapampangan mika bayu yang Ari ning Parnaso at Prinsipe ning Parnaso. Mikaalalan inyang milabasan a Agostu 8 2008 king Center for Kapampangan Studies, Holy Angel University king Lakanbalen Angeles.

Ing bayung Ari ning Parnaso iyapin ing kakamalkamalan a Aring Renato Alzadon, at ing bayung prinsipe iyapin ing makamal a Principe Romeo Rodriguez. Ding labing walung poeta laureadu mipulungpulung la para pilinan de ing karelang maging ari ampong prinsipe ning Parnaso. Deting poeta laureado ikua re ing karelang putung a gintung laureado kapamilatan ning pamanyambut keng ligligan keng poesia o kaya keng pamananggap da reng kalupa dang poeta laureado. Deting labing walung areti deng aliwa kayabe la keng Aguman ding Talasulat Kapampangan (Agtaka), deng aliwa keng Aguman Buklud Kapampangan, at deng mitagan keng Akademya ning Amanung Sisuan International (Anasi).

Detang minunang Ari ning Parnaso, Amado Yuzon ampong Jose Gallardo, mituringan lang Ari kapamilatan ning pepasiag dang pamananggap da reng poeta laureado kabang ing pangatlu I Vedasto Ocampo, kapamilatan ning ligligan.

I Josie Henson, pamuntuk ning Akademyang Kapampangan, sinuyu ya bilang Talaganap ning Seremonyas, kambe nang Lord Francis Musni ning Holy Angel University ampong Alma Luz Canlas ning Angeles University Foundation bilang Mumunang and Kaduang Talamasid, mitutuki.

Dalerayan

• Tantingco: King of Kapampangan poets [1] Archived Agostu 13, 2009 at the Wayback Machine