Dalai Lama

Ibat king Wikipedia
Dalai Lama
Kabanalan
I Gendun Drup, Ing Mumunang Dalai Lama
Migari1391-
Tibetanཏཱ་ལའི་བླ་མ་
Wylie transliterationtaa la’i bla ma
Pronunciationtaːlɛː lama (IPA)
THDLDalai Lama
Pinyin ChineseDálài Lǎmā
Royal HouseDalai Lama

Ing Dalai Lama ing linia o pamituki-tuki da reng mamuntukan a panrelihiun ning pamiturung Gelug (Gelug school) ning Tibetan Buddhism, a yang pekapun a political ning kapamahalan a Tibetan a makabasi king Lhasa manibat kanitang kalabingpitung dilanua (17th century) anggang 1959. Ausan deng "Ing Kayang Kabanalan" (His Holiness, HH) deng kayang talatuki, kabang deng dakal a Tibetan, palagyuan deng Gyalwa Rinpoche, a mangabaldugang "Precious Victor" (Pakamalan a Migtagumpe), o Yishin Norbu, meaning "Wish-fulfilling Jewel" (Iyas a Papaliari kareng Panalangin). Ing "Lama" (a mangabaldugang "talaturu" o "maestru") metung yang titulu o bansag a bibie ra kareng miayaliwang ranggu da reng paring Tibetan Buddhist.

Paniwalan dang ing Dalai Lama ing salukuyan a pamagkatawang tau ning metung a makabang pamituki-tuki da reng Tulku, o Maestrung Buddhist., a e na na darasan ning kamatayan ampong pasibayung pangabait. Pinili da reting maestrung minukiat na king sariling dang kaburian a mibait pasibayu keti ba rong dinan kamalinawan deng aliwa. Ya murin ing opisial a pekapun ning kapamahalan a Tibetan a makalual king bangsa, oCentral Tibetan Administration (CTA, ing Kalibudtang Kapanibalan a Tibetan)

Aniang pilatan ning kalabingpitung dilanua ampo ning 1959, deng tuki-tuking Dalai Lama ing manibala king Kapamahalan ning Tibet, at tatalan king maragul nang dake niti manibat king karelang tungku (cabecera o capitoliu) ning Lhasa, dapot ating e pamikasundu king angganan ning karelang upayang pulitical, at ating aliwang babandi king karelang pamanalan king teritoriu. Manibat kanitang 1959, ing Dalai Lama ing mamuntukan king Kalibudtang Kapanibalan a Tibetan (Central Tibetan Administration), a makabasi king Dharamshala, metung a malating balen king kabitisan ning kabundukang Himalayas king pangulung India, a mituturing king sarili nang kapamahalan kilual ning bangsa (government in exile). Isipan dang ing Dalai Lama ing pekapun ning Pamiturung Gelug (Gelug School), dapot ing opisial a tatalan kaniti ya pin ing Ganden Tripa, a pansamantalang pusisiun a pipilinan ning Dalai Lama (a king tutu, mas maragul a upaya).

Lon la murin deti

Footnotes

Dalerayan

  • Yá Hánzhāng 牙含章: The Biographies of the Dalai Lamas (Dálài Lǎmá chuán 达赖喇嘛传; Beijing, Foreign Languages Press 1993); ISBN 7-119-01267-3.
  • Diki Tsering, edited & introduced by Khedroob Thondop. (2000). Dalai Lama, My Son: A Mother's Story. Virgin Publishing Company, London. ISBN 0-7535-0571-1.
  • Murray Silver, "When Elvis Meets the Dalai Lama," (Bonaventure Books, Savannah, 2005). The author recounts how he was introduced to the Dalai Lama by mutual friend Richard Gere and became involved in various aspects of the Tibetan initiative; also includes an introduction to Tibetan Buddhism and biographies of several high lamas. The book relates a story about the author's wife and how she was healed of leukemia by the Dalai Lama's doctor and a monk from Kathmandu.
Ing Wikimedia Commons atin yang mediang maki kaugnayan kang/king:

Karagdagang babasan

  • Goodman, Michael H. (1986). The Last Dalai Lama. Shambhala Publications. Boston, Massachusetts.
  • Mullin, Glenn H. (2001). The Fourteen Dalai Lamas: A Sacred Legacy of Reincarnation. Clear Light Publishers. Santa Fe, New Mexico. ISBN 1-57416-092-3.

Ding suglung a palual

Template:TibetanBuddhism