Henri Coandă

Ibat king Wikipedia
Lundag ka king: pamaglibut, paintunan

I Henri Marie Coandă (Juniu 7, 1886Nobiembri 25, 1972) (IPA: /ɐʁi maʁi kwandə/) metung yang Romanian a manimbentu, manimunang aerodynamics at ing ginawa keng minunang jet powered aircraft, ing Coanda-1910. Iya ing memie lagiu keng Coandă effect.

Talambie[mag-edit | edit source]

Mibait ya king Bucharest, i Coandă pangadua yang anak ning maragul a familia. Ing kayang tatang iya i General Constantin Coandă, metung a professor keng mathematicu king Pangbangsang Pipagaralan da reng Tete at Dalan. Ing kayang ima, i Aida Danet, anak neng babai ning metung a French physician i Gustave Danet, at mibait ya king Brittany. Inyang katataulian atatandanan na na maburi at mangpamulala ya keng mala ning angin.

I Coandă megaral ya king Petrache Poenaru Communal School king Bucharest, kaibat (1896) king ing Liceu Sf. Sava (Saint Sava National College). Kaibat ning atlung banua (1899), ing tatang na, a maburi yang mika karera ya keng campung para keng kayang anak, at pepalipat ne keng Kampung Lycee king Iaşi. Migraduate ya ketang instituyun a ita inyang 1903 a mika rankung sergeant major, at sindu na ing kayang pamagaral keng Pipagaralan a Artillery, Kampung, ampong Pangdagat a Engineering king Bucharest. Miparala ya keng artillery regiment king Aleman (1904), megpalista ya keng Technische Hochschule king Charlottenburg, Berlin.

I Coandă migraduate ya bilang artillery officer, dapot auing ya keng technical a kagutgutan ning pamanyulapo. Inyang 1905, ginawa yang missile-aeroplanu para keng Romanian Army. Sindu na ing kayang pamagaral (1907-1908) king Montefiore Institute king Liège, Belgium, nung nu ikit ne i Gianni Caproni. Inyang 1908 i Coandă mibalik ya Romania para sumuyu bilang kikilus a opisyal keng Pangaduang Artillery Regiment. Nanupata, ing kayang kaladuang mapanimbentu e makalugal keng kayang panga kampung. Menyad yang paintulut para lumual ya keng kampung, kaibat kinua na ing kalamangan ning kayang pangatimawa a linuslus yang makaba papuntang Isfahan, Teheran, ampong Tibet. Kaibat nang mibalik inyang 1909, minayan ya king Paris, nung nu pepalista ya keng bayun mitatag a École Nationale Superieure d'Ingenieurs en Construction Aéronautique (ngeni ing École Nationale Supérieure de l'Aéronautique et de l'Espace, kebaluan bilang SUPAERO). Kaibat ning metung a banua (1910) migrauduate ya bilang mumunang diling keng kayang clasi ning aeronautical engineers.



Suglung Palual[mag-edit | edit source]

Commons-logo.svg
Ing Wikimedia Commons atin yang mediang maki kaugnayan kang/king: