Ining Yatu ning Meto Ketauan

Ibat king Wikipedia
This Earth of Mankind

Book cover
SinulatPramoedya Ananta Toer
Orihinal a pamagatBumi Manusia
TalapaglikasMaxwell Lane (English)
BangsaIndonesia
AmanuIndonesian trans. to English
SerieBuru Quartet
Uri ning kasulatanNovelang pangkasalesayan
TalabulalagHasta Mitra
Petsa ning pangabulalag1980
KatukiChild of All Nations

Ing Ining Yatu ning Meto Ketauan (orihinal a Indonesian, Bumi Manusia; Ingles, This Earth of Mankind) ing minunang libru king grupu da reng apat a librung sinulat ning talasulat a Indonesian, i Pramoedya Ananta Toer. Misulat ya kabang makakulung ya king islang sukulan a Buru king aslagang Indonesia. Aniang mumuna, micuentu ya kareng kalupa nang presung Pramoedya aniang 1973 uling ala yang paintulut a isulat ne.[1]

Miliari ya aniang tauli nang dake ning pamaniakup da reng Dutch o Holandes ing nobela. Ing manimunang tauan ampong talacuentu ning Ining Yatu ning Meto Ketauan metung yang anak a lalaking tau Java o Javanese, i Minke, a misuertian a makapagaral king metung a iscuelang Dutch uling lahi de reng ari ning Java. Linub ya king kabilian a complicadu ampong mapanganib i Minke aniang akilala ne i Annelies, a malagu nang anak Nyai Ontosoroh. King Ining Yatu ning Meto Ketauan, pepakit nang Pramoedya ing e makatuliran a bie da reng memalen ning Indonesia aniang panaun ning pamaniakup ding Dutch, nung kapilan ing basi ning kabilian king sociedad ya pin ing karakal ning dayang Europeo ning metung a tau. Ing pamipakilala nang Pramoedya kang Minke, metung a taung e tatakut magsalita, a e tatanggap king sociedad nung nu la makatas deng mapilang uri da reng tau kareng aliwa, at uli na niti, megi yang talasulat imbes na talagawang discursu (speech-maker). E malaut iti king bie nang Pramoedya, a aduang banuang mesukul uli king kayang pamagdala kareng documentu laban kareng Dutch, at kaibat, meging metung a talasulat.[1]

Binawal ne ning Attorney General ning Indonesia ing Ining Yatu… aniang 1981. Dakal lang copiang mesagip at mikalat, kayabe la reng edisiun a milimbag king Malaysia. Milimbag yang pasibayu king Indonesia kapamilatan ning talabulalag a Lentera Depantara aniang 2005, kaibat nang milikas kareng 33 amanu king mabilug a yatu.

References