Listaan da reng kometa

Metung yang listaan da reng kometa king solar system ining makatuki.

Balik-balik la balang mapilang banwa deng periodic a kometa. Deta namang non-periodic a kometa, misan la mu dadalan. Makamarka lang "P" king arap da deng periodic a kometa, at "C" no man deng non-periodic. Neng kayi, ating nomiru king arap ning "P": papakit na niti nung mekatapilan deng ikit deng tau itang kometang dadalan kekatamu.

Deng kometang makikilala king lagyu

• Kometang Borrelly (19P/Borrelly)
• Kometang Encke (2P/Encke)
• Kometang Hale-Bopp (C/1995 O1)
• Kometang Halley (1P/Halley, a marlas dang awsang Kometang Halley o Halley's Comet king Inglis)
• Comet Humason (C/1961 R1)
• Kometang Hyakutake (C/1996 B2)
• Kometang Ikeya-Seki (C/1965 S1)
• Kometang Kohoutek (C/1973 E1)
• Comet Mrkos (C/1957 P1)
• Kometang Shoemaker-Levy 9 (D/1993 F2)
• Comet Skjellerup-Maristany (C/1927 X1)
• Kometang West (C/1975 V1)
• Great Comet of 1807 (C/1807 R1)
• w:Great Comet of 1811 (C/1811 F1)
• Great March Comet of 1843 (C/1843 D1)
• Great January Comet (C/1910 A1)
• "Miss Mitchell's Comet" (a mayayaus C/1847 T1 ngeni; sinikat ya king kometang ini i Maria Mitchell)

Deng periodic a kometa

Atin lang espesyal a papil king astronomy deng periodic a kometa uling keraklan e mamaliwa ing karelang orbit. Balu tamu nung kapilan dakatamu balikan; malyari tamung magplanung magumasid kareti, at makapagparla tamu muring space probe a sumuri karela.

Kanitang Agosto 24, 1994, gewa neng standard o pare-pareu nng International Astronomical Union (IAU) ing paralan ning pamamye lagyu kaniting klasi da reng kometa. Ginawa yang sistema da reng letra at nomiru (at neng kayi, lagyu). Uli na niting sistema, balu tamu nung sanung kometa ing amanwan tamu. Pinili ne ning IAU ing P kareng periodic a kometa, at D kareng periodic a kometang mewala o misalbag. Magagamit la murin deng letrang C para kareng non-periodic a kometa, at X kareng kometang e tamu balu orbit. Atin muring paralan bang manaliling kategorya o group: A ing gagamitan da kareng bageng awsan dang asteroid deng aliwang tau. Magumpisa ya king nomiru ing balang lagyu, at patas ing pamamilang. Alang kometang milulupa lagyu.