Luklak

Ing luklak (Pycnonotus goiavier), a yellow-vented bulbul king Ingles, métung yang áyup a passerine. Mayayákit ya king mauli aslagang Asia manibat mauling Thailand ampóng Cambodia paras king mauli king Borneo ampó king Filipinas.

Mayayákit ya karéng miyáyaliwang lugal a "malinis" o makabilad, ónéng é king kakéwan o king pulû. Métung ya karéng áyup a maralas díling mayayákit karéng lugal a tatamnan maki ásikan. Balámu mámális la o mágbáyung tuknángan, at andat káyí, lílíbut lang lugal.

Ing sale na o pugad ning luklak másalikut ya oneng mabuya ya, bukud king buyagyag o malagad (e masiksik) pangagawa, malalam, ampong kagulis tasa o sarung gawa king dikut, bulung, yamut, tangkeng baging, ampong mangalating sanga. Anti yang magulu manibat king kilwal ing sale, oneng malinis ya king kilub, at matatakpan yang lambal tanaman (plant fibers). Mititikdo ya kareng miyayaliwang lugal, manibat kareng mangabababang palungpung (low bushes) angga kareng mangatas a pun dutung. Metung yang species ining sane kareng tau, at neng kai, magsale ya angga kareng mula o hardin. Mangebun yang adwa anggang limang ebun ing luklak manibat Febrero anggang Junio.

Mangalating prutas o bungang dutung ampong berry ing kakanan da reng luklak. Sisipsip la muring nectar, tutuktukan do reng mangalating punla, at kakanan do reng aliwang ayup-ayupan o insektu.

Suglung palwal

• Yellow-vented Bulbul page
• Various images of the Yellow-vented Bulbul Archived Abril 18, 2018 at the Wayback Machine
• "Domesticating" Pycnonotus goiavier by Isidro T. Savillo Archived Agostu 8, 2014 at the Wayback Machine

Ing Wikimedia Commons atin yang mediang maki kaugnayan kang/king:

Pycnonotus goiavier