Pundasyong Universidad ning Angeles
| Motto | Total Development of Man for God and Humanity (Pangkabilugan a Pamanalkus ning Tau para king Dios ampo king Meto Ketawan |
|---|---|
| Mitátag | 25 Mayo 1962 |
| Uri | Pribadu, Katolikong Universidad |
| Pamuntuk | Atty. Joseph Emmanuel L. Angeles |
| Magaral | 6,500+ |
| Magaral king kolehiyo | 5,500 |
| Lugal | Angeles Lakanbalen, Pampanga, Philippines
|
| Campus | 5 ektarea, Urban |
| Kule | Iro ampong Maputi |
| Palayo | AUF Great Danes, The Angeleneans |
| Mascot | Great Dane |
| Website/Karinan-Aptas | www.auf.edu.ph |
Ing Pundasyong Universidad ning Angeles (Angeles University Foundation) (a papakuyad da king AUF), metung yang pribadung Romano Katolikong universidad king Angeles Lakanbalen, Filipinas. Metung yang pipagaralan a alang stock ampong alang tubu a mitátag anyang Mayo 25, 1962 kapamilatan nang G. Agustin P. Angeles, Dr. Barbara Y. Angeles ampo ing familia ra. Kaybat ning kulang king siam a banwa ning pangatikdo, mirinan yang kabilyan a universidad ing institusyon anyang Abril 16, 1971 king upaya ning Sakdalan ning Pamagaral, Kultura ampong Pasiknangan (Department of Education, Culture and Sports).
Metung ya kareng ditak mung universidad king Filipinas a maki kabilyan a magsarili o autonomous, at mapilan kareng kayang programa ing kikilalanan nang Sentru ning Kabyasnan ampong Sentru ning Panyulung (Centers of Excellence and Centers of Development) ning Commission on Higher Education.
Ngeni, ing AUF ing maki pekamatas a dake da reng talaturung maki ayaring gradwadu (graduate degree) king rehiyon ning Kalibudtang Luzon (Central Luzon), at metung karing pekamatas king region, Filipinas. Deting kwalipikasyon ing migsilbing asyas ning kayang matas a uri ning pamanuru ampong pamanyalugsug, antimo reng: Kabilyan a Magsarili (Autonomous Status) manibat anyang 2003; Institutional Quality Assurance Monitoring and Evaluation (IQUAME) certification ibat king Commission on Higher Education (CHED); Pamangilala ibat king Philippine Accrediting Association of Schools, Colleges and Universities (PAASCU); ISO 9001-2000 Certification by TUV-SUD; Sentru ning Kabyasnan )Center of Excellence) king Teknolohiyang Impormasyon (Information Technology) ampong Pamagsane kareng Talaturu (Teacher Education) a kinilala ning Komisyon ning Matas a Pamagaral (Commission on Higher Education); ampong Sentru ning Panyulung (Center of Development) king Inhinenyeriang Pangkomputer (Computer Engineering) ampong Nursing ibat king pareung sanga ning kapamahalan. Ngening kalimampulung banwa ning kayang pamitikdo, atin ne king pangkabilugan anam a pulu't atlung (63) programang akademikong mirarake kareng walung kolehiyo, bukud pa kareng eskwela ning Medisina ampong Leyi (medical and law school).[1]
Dalerayan
Ding suglung palual
- Angeles University Foundation official website
- Angeles University Foundation-Medical Center AUF Medical Center website
- AUF Library- AUF University Library
- AUF-DF - AUF Development Foundation
