Taba

Ibat king Wikipedia
Lundag ka king: pamaglibut, paintunan
Uri da reng taba king pamangan
Lon la murin deti

Deng taba (fats king Ingles) metung lang maleparan a grupu da reng compound a keraklan malalaso (solube) kareng paglasong organic (organic solvents) at keraklan e malalaso king danum. Basi king sangkap dang kemikal, bibilugan da lang triesters ning glycerol ampong fatty acid deng taba. Maliari lang likidu o solidu king karaniwang temperatura (room temperature) deng taba, dependi king karelang pamibalangkas (structure) ampong sangkap (composition). Lipat ning gagamitan da la reng katayang "laru" (oils), "taba" (fats), ampong "lipid" ba lang tunggen deng taba, maralas, gagamitan de ing "laru" kareng tabang likidu king karaniwang temperatura, kabang "taba" no man deng tabang solidu king karaniwang temperatura. Ita namang "lipid," magagamit ya kareng likidu o solidung taba. Gagamitan de ing katayang "laru" king sanumang sangkap (substance) a e misasamut king danum at kasalat laru, antimo ing petroleu (o krudu) ampo ing heating oil (larung pamaling bale), nanuman ing kayang pamibalangkas a kemikal (chemical structure).[1]

Metung lang kategoria da reng lipid deng taba, a makikilala kareng aliwang taba kapamilatan ning karelang pamibalangkas a kemikal ampong kaurian a pisikal (physical properties). Maulaga ya ining kategoria da reng molecule kareng miayaliwang uri ning bie uling magsilbi ya kareng papil a pangbalangkas (structural) ampong pang-metabolismu. Maulaga lang dake ning kakanan da ring keraklan kareng heterotroph (kayabe no reng tau) deti. Lalasawan do king katawan ding enzyme a ausan dang lipase deng taba o lipid.

Kayabe la kareng tabang ibat kareng animal a kakanan deng w:lard (tabang babi), larung asan (fish oil), ampong mantikilia o ghee. Makukua la reti kareng taba king gatas, karni, o king lalam ning balat ning animal. Alimbawa no man kareng mapapangan a taba ibat kareng tanaman deng larung ibat king soya bean, mirasol (sunflower), sesame, ngungut, oliva ampoong aliwang vegetable oil. Gagamitan da la murin deng margarina ampong vegetable shortening, lalu na king pamag-ornu (baking). Maliaring lang pintan kareng w:saturated fat ampong w:unsaturated fat deti.

Lon la murin deti[mag-edit | edit source]

Template:Cookbook

Wiktionary-logo-en.svg
Look up Fat in Wiktionary, the free dictionary.

Dalerayan[mag-edit | edit source]

  1. Maton, Anthea; Jean Hopkins, Charles William McLaughlin, Susan Johnson, Maryanna Quon Warner, David LaHart, Jill D. Wright (1993). Human Biology and Health. Englewood Cliffs, New Jersey, USA: Prentice Hall. ISBN 0-13-981176-1. 
  • Donatelle, Rebecca J. (2005). Health, The Basics, 6th ed, San Francisco: Pearson Education, Inc.